Eiza González zyrtarizon lidhjen me Grigor Dimitrov

Eiza González dhe Grigor Dimitrov kanë zyrtarizuar së fundmi lidhjen e tyre në Instagram.

Të shtunën, më 17 maj, González ndau katër foto ku pozonte me tenistin profesionist bullgar Grigor Dimitrov, i cili kishte festuar ditëlindjen e 34-të një ditë më parë.

Fotot ishin nga paraqitja e tyre në galanë “Gratë në Kinematografi” të organizuar nga Fondacioni i Filmit në Francë, më 15 maj, ku çifti u shfaq për herë të parë publikisht së bashku.

“Gëzuar ditëlindjen njeriut të ëndrrave të mia,” shkroi González në përshkrimin e postimit në Instagram. “@grigordimitrov, je unik. Je njeriu im i preferuar absolut, dhe nuk mund ta besoj sa me ka rënë fati që të kam gjetur. Më ke rikthyer aq shumë ndjenja që nuk mendoja se do i ndjeja më.”

Thashethemet për një lidhje mes González dhe Dimitrov nisën në prill, pasi u fotografuan duke ecur dorë për dore në Madrid. Aktorja e filmit Fountain of Youth ishte parë gjithashtu duke ndjekur një nga ndeshjet e Dimitrov në Madrid Open, së bashku me Eva Longoria dhe të tjerë.

“Për njeriun më të sjellshëm, më të kujdesshëm dhe më të dashur. E admiroj çdo pjesë të qenies tënde dhe njeriun që po bëhesh,” shtoi González në përshkrimin e saj. “Nuk mund të pres të festojmë shumë, shumë më tepër. Të dua, G.”

González më parë është përfolur për lidhje me figura të njohura si basketbollisti Ben Simmons dhe aktorët Jason Momoa, Timothée Chalamet, Liam Hemsworth dhe Josh Duhamel. Megjithatë, në një intervistë për InStyle në mars 2024, aktorja deklaroi se “kishte hequr dorë nga takimet” dhe se “nuk po kërkonte më” në atë kohë.

Dimitrov më parë ka qenë në lidhje me tenisten Maria Sharapova dhe këngëtaren Nicole Scherzinger gjatë viteve 2010.