Brenda apartamentit luksoz ku jeton aktorja Eiza González (FOTO)

Eiza González ka marrë me qira një apartament luksoz prej 8,300 dollarë në muaj në “Sky”, 71-katëshe, shkruan ‘NYP’.

Aktorja meksikane, 31 vjeçare u zhvendos fillimisht në apartamentin luksoz në fund të shtatorit pasi rezidenca kishte vetëm dy javë që kishte dalë në treg.

Apartamenti ndodhet në katin e 56-të, ka dy dhoma gjumi dhe dy tualete si dhe ofron pamje të mrekullueshme të qytetit.

Veçoritë e brendshme të apartamentit përfshinë dritare nga dyshemeja deri në tavan, dysheme lisi.

Ndoshta karakteristikat më tërheqëse të apartamentit janë zonat e përbashkëta të ndërtesës. Kompleksi luksoz ofron një pishinë të brendshme, dy pishina të jashtme, një sallë pritjeje bilardo dhe kafene, një palestër, spa, një fushë basketbolli, një park privat dhe një banjë për kafshët shtëpiake. 

González është e njohur për rolet e saj në filma si “Baby Driver”, “Godzilla Vs. Kong” dhe “Fast & Furious”.