Pa kondicioner dhe të tejmbushur, vajzës i bie të fikët në autobusat e lali Erit

Pa kondicioner dhe të tejmbushur, vajzës i bie të fikët në autobusat e lali Erit

Autobusat e Bashkisë Tiranë kanë qenë gjithmonë në qendër të skandaleve për shkak të kushteve primitive me të cilat punojnë. Gijotina.com ka raportuar disa raste kur qytetarëve mund t’iu ketë rënë të fikët për shkak se urbanët tejmbushjen dhe nuk kanë kushte.

Edhe sot, nga fotot e siguruara nga stafi ynë, shihet se i ka rënë të fikët një pasagjereje e cila po udhëtonte me urbanin e Unazës së Re. Vajza nuk ka reaguar për disa minuta, ndërsa qytetarët i janë gjendur pranë për t’i dhënë ndihmën e shpejtë deri në momentin e mbërritjes së ambulancës.

Qytetarët thonë se kondicionerët nuk ndizen kurrë, ndërsa disa dritare janë prishur dhe nuk hapen, shtojmë këtu dhe faktin se autobusët mbushen përtej kapacitetit normal. Ndonëse raste të tilla janë të shpeshta dhe janë bërë jo pak herë subjekt i mediave, sërish kjo nuk e shqetëson kryetarin e Bashkisë Erion Veliaj, i cili vetes nuk ia kursen makinat luksoze.