Qimet në buzën e sipërme apo mjekër janë një makth i vërtetë. Depilimi apo rruajtja nuk janë zgjidhjet me të mira për këtë problem, pasi rezultatet janë gjithmonë afatshkurtra dhe sjellin përkeqësim të situatës më vonë.

Në këtë mënyrë natyrale, do të merrni efekte të shkelqyera dhe mbi të gjitha pa dhimbje.

Më poshtë mund të lexoni disa mënyra shumë efektive për të eleminuar përgjithmonë qimet nga fytyra juaj:

Shafran i Indisë:

Shafrani i Indisë prandalon rritjen e qimeve të fytyrës dhe ka veti të fuqishme antiseptike. Si fillim, përzieni ujin dhe shafranin derisa të krijohet një pastë. Më pas, masën e përftuar aplikojeni në zonat ku dëshironi të hiqni qimet dhe lëreni derisa të thahet. Me ndihmën e një peshqiri të lagur me ujë të vakët, hiqeni pastën bashkë me qimet.

Patatja dhe thjerrëzat:

Nëse doni të hiqni qimet e fytyrës, kjo është një metodë shumë e fuqishme. Në një enë me ujë, hidhni një filxhan thjerrëza të verdha dhe në mëngjes i shtypni ato derisa të krijohet një pastë. Më pas pastroni tri patate dhe pasi t’i keni grirë, duhet të merrni lëngun e tyre.

Pastën e thjerrëzës përzieni bashkë me lëngun e patates, me 4 lugë gjelle lëng limoni dhe 1 lugë gjelle mjaltë. Përzieni mirë të gjithë përbërësit dhe aplikojeni në zonat që dëshironi të hiqni qimet për 20 minuta. Pasi maska të jetë tharë, hiqeni atë me gishta.