Elon Musk nuk është më personi më i pasur, sipas Forbes, pasi një rënie në çmimin e aksioneve të Tesla-s bëri që CEO i LVMH, Bernard Arnault, ta rrëzonte atë nga ‘froni’.

Musk mban titullin e njeriut më të pasur në botë që nga shtatori 2021, kur e kaloi themeluesin e Amazon, Jeff Bezos.

Forbes e renditi Musk si të dytin në listën e fundit të “Miliarderëve në kohë reale” me një vlerë neto prej 183.6 miliardë dollarësh.

Në vend të parë u rendit CEO i markës luksoze franceze LVMH, prodhuesit të mallrave luksoze Louis Vuitton dhe konjakut Hennessy, Bernard Arnault, pasuria neto e të cilit vlerësohet në 186.2 miliardë dollarë.