Princ Harry,  ka rrëfyer shumë të pa thëna në librin e tij të fundit “Spare”. Princi ka shkruar për momentin kur mësoi se nëna e tij princeshë Diana pësoi aksident me makinë.

Ai ka shkruar se ishte në gjumë, teksa sapo është zgjuar ka parë babain e tij pranë shtratit tepër ët mërzitur.

Mbaj mend fjalët e tim eti, “Djali im i dashur, nëna ka pësuar një aksident me makinë. Ka pasur shumë komplikime, është dërguar menjëherë në spital”.

Harry shkruan se i ati ishte i tronditur. Princesha Diana vdiq në vitin 1997 pas një aksidenti me makinë në Paris.

Harry pohon gjithashtu në librin e tij se ai dhe Uilliam nuk ishin të vendosur të hetonin vdekjen e nënës së tyre, por më pas zbuluan se konkluzionet të cilat mund ta kishin shkaktuar vdekjen e saj ishin thjeshtë absurde.

“Hetimet ranë në konkluzionin se shoferi i nënës sonë ishte i dehur dhe për rrjedhojë, ky ishte shkaku i vetëm i aksidentit. Kjo ishte thjeshtë absurde. Edhe nëse shoferi kishte pirë, edhe sikur të kishte qenë i dehur ai do kishte ecur normalisht me makinë”, ka shkruar Harry.

Më pas ai shtron pyetjet se përse po e ndiqnin paparacët, si ka mundësi që ishin rastësisht aty? Kush i kishte dërguar?  Përse ata njerëz nuk ishin në burg?

Ndaj u kërkua rihetimi, thotë Harry. Për të gjithë ata që vendosën të na dekurajojnë.