Noti, kërcimi dhe vrapimi nuk duhet të mungojnë në rutinën e përditshme të adoleshentëve që luftojnë me depresionin.

Të rinjtë që vuajnë nga depresioni duhet të përfshihen në lojëra sportive në ekip, si futbolli dhe basketbolli, si dhe individualisht, si vrapimi ose noti. Sipas një studimi të fundit të ‘JAMA Pediatrics’ ushtrimet e rregullta aerobike mund të lehtësojnë simptomat negative të sëmundjes mendore.

Ushtrimet ndihmojnë në shëndetin mendor duke ndihmuar në përmirësimin e humorit dhe uljen e stresit. Në studimin e fundit, studiuesit arritën në përfundimin se stërvitja e rregullt mund të çojë në mënyrë efektive në një reduktim të simptomave tek të rinjtë mbi 13-vjeç që vuajnë nga depresioni. Ata u fokusuan kryesisht në ndryshimet që ndodhën tek adoleshentët të cilët ishin diagnostikuar me depresion dhe kishin filluar të merreshin me aktivitete të tilla si noti, kërcimi ose vrapimi.

Pas hulumtimit, arritën në përfundimin ushtrimet e rregullta aerobike reduktojnë ndjeshëm simptomat e depresionit. Por rutina e ushtrimeve ishte një faktor vendimtar, sepse nëse ushtrimi nuk përsëritej të paktën tre herë në javë, simptomat përsëriteshin.

Njerëzit që vuajnë nga depresioni kanë tendenca të kenë më shumë mendime gjatë ditës, kryesisht negative dhe askush nuk mundet t’i kuptojë se si ndihen ata. Në situata të tilla, nuk mundesh që thjesht të takohesh me të dhe t’i thuash çfarë të duash. Por, duhet ta vëzhgoni atmosferën dhe t’i afroheni personit në fjalë në një mënyrë që nuk e ofendoni atë.