Në një intervistë ekskluzive që Madonna dha për “Vanity Fair”, “Mbretëresha e Popit” foli për feminizmin, seksualitetin, fenë dhe diversitetin, duke u ndalur në betejat e saj në karrierë kundër patriarkatit dhe koston që duhej të paguante për të mbetur vetvetja.

Madonna vazhdon të habisë publikun me zgjedhjet e saj, të cilat shkaktojnë jo pak herë kanë shkaktuar reagime dhe komente të ndryshme.

Kësaj radhe këngëtarja me famë ndërkombëtare, ka mbuluar kopertinën e tre edicioneve të ndryshme të “Vanity Fair” në Itali, Spanjë dhe Francë. Më konkretisht, “mbretëresha” e pop-it u bë pjesa qendrore e revistës vjetore “Icon Issue”, e cila feston legjendat që ndihmojnë në formimin e kulturës moderne.

Në kopertinë këngëtarja pozon si një Virgjëreshë Mari që qan me shpatat që i shpojnë zemrën, ndërsa në një foto tjetër ajo luan Jezusin, në një Darkë të Fundit për femra.

Homazhi përfshin një gamë të gjerë imazhesh, të krijuara nga fotografët Luigi dhe Iango. Qëllimi i këtij seti fotografik është të prezantojë “vlerat që këngëtarja e njohur mbrojti gjatë rrugëtimit të saj artistik dhe përmes ikonografisë së saj”.

Revista raportoi se më shumë se 80 bashkëpunëtorë u përfshinë në krijimin e homazhit, duke theksuar se imazhet do të formojnë gjithashtu një ekspozitë të ardhshme, një film të shkurtër dhe një shfaqje të artit modern.

Në një intervistë ekskluzive që Madonna dha për “Vanity Fair”, “Mbretëresha e Popit” foli për feminizmin, seksualitetin, fenë dhe diversitetin, duke u ndalur në betejat e saj në karrierë kundër patriarkatit dhe koston që duhej të paguante për të mbetur vetvetja.

Siç pranoi Madonna, si nënë e divorcuar e gjashtë fëmijëve: “Të rritesh me një nënë si unë është një sfidë. Ishte beteja më e vështirë, më e vështirë”, theksoi ajo për mëmësinë.

Diku tjetër në intervistën e saj, artistja me famë ndërkombëtare tha: “Edhe sot përpiqem të kuptoj se si të jem nënë dhe të bëj punën time. Sepse, pavarësisht se kush jeni, të kesh fëmijë dhe t’i rrisësh është një vepër arti. Dhe askush nuk ju jep një manual. Ju duhet të mësoni nga gabimet tuaja. Është një profesion që kërkon shumë kohë. Dhe është rraskapitëse sepse nuk ka kurrë pushim. Ajo që më gëzon më shumë është të shoh se secili prej tyre ka zbuluar krijimtarinë e vet. Unë kurrë nuk e inkurajova vajzën time të bënte muzikë ose djalin tim Rocco të pikturonte. Por i kam ekspozuar gjithmonë me artin, muzikën dhe jam e lumtur që kanë gjetur mënyra për t’u shprehur. Kam respekt dhe admirim për ta dhe atë që bëjnë”.

Përveç kësaj, Madonna njoftoi të martën, më 17 janar, orarin e një turneu të ri botëror me të cilin do të festojë katër dekada të hiteve të saj. E titulluar ‘The Celebration Tour’, ‘Mbretëresha e Popit’ do të vizitojë 35 qytete dhe do të interpretojë këngë nga e gjithë krijimtaria e saj, e cila fillon nga albumi i saj i parë në 1983 dhe arrin në më të fundit, ‘Madame X’ të 2019. Biletat do të vazhdojnë të shiten deri më 20 janar.

Turneu botëror i këngëtares do të nisë më 15 korrik në Vankuver. Rrugëtimi muzikor fillon në Kanada, vazhdon në SHBA, nga Çikago në Los Anxhelos dhe përfundon në Evropë – Londër, Barcelonë, Stokholm, ndër të tjera dhe përfundon në Amsterdam më 1 dhjetor.