Mix
Beyonce, 24 milionë dollarë për të kënduar në një spektakël privat në Dubai
Pothuajse pesë vjet pas koncertit të fundit – në vitin 2018, në Festivalin Global Citizen – Beyoncé është rikthyer në skenë. Kësaj radhe për një spektakël privat.
Plot 24 milionë dollarë është paguar Beyonce për të kënduar në një spektakël për VIP-at me rastin e hapjes së resortit Atlantis në Dubai. Në skenë, asaj iu bashkua vajza e saj 11-vjeçare Blue Ivy Carter për “Brown Skin Girl”.
Beyonce riktheu hitet e së shkuarës si “Crazy in Love”, “Beautiful Liar” dhe “Naughty Girl” etj. Asnjë filmim në rrjetet sociale sepse telefonat celularë ishin të ndaluar.
24 milionë dollarë (22.1 milionë euro) për 65 minuta performancë dhe fakti që Beyoncé, një mbështetëse e madhe e komunitetit LGBT, performoi në një vend si Emiratet ku, sipas ligjit islamik, homoseksualiteti dënohet me vdekje, nuk mund të mos komentohej.
Megjithatë, fronti pro-Dubait përgjigjet se Emiratet nuk janë Afganistan dhe se ligji ekziston por nuk zbatohet.
