Rama tentoi të heshtë opozitën, por zëri ynë dëgjohet në gjithë botën

“Cunam popullor i revolucionit demokratik”,  Berisha: Rama tentoi të heshtë opozitën, por zëri ynë dëgjohet në gjithë botën

Cunam popullor i revolucionit demokratik, e ka quajtur Sali Berisha protestën e sotme të opozitës, të thirrur pas përmendjes së emrit të kryeministrit Edi Rama në çështjen McGonigal. Lideri demokrat tha se qëllimi i këtij revolucioni është mbrojtja e të vërtetave dhe përmbysjen e monizmit të dytë.

“Ditë e madhe e siparit të revolucionit demokratik të përmbysjes së monizmit të dytë në Shqipëri. Është akti revolucionar të thuash të vërtetën në kohë gënjeshtre, ndaj dhe sot për përmbysjen e monizmit dhe fitoren e demokracisë do të themi të vërtetat tona. Qëllimi i këtij revolucioni që nis sot më 11 shkurt është të mbrojmë të vërtetat dhe të bëjmë çdo sakrificë e përpjekje që ato të triumfojnë”.

Duke e cilësuar Ramën si kryeministrin më të korruptuar në Europë ai tha se zëri i opozitës po dëgjohet në mbarë botën, pavarësisht përpjekjeve për ta heshtur atë.

“Opozita tregoi se Rama është kryeministri më i korruptuar në Europë, është narkokrati që duke vjedhur votën, buxhetin e pasurinë publike të shqiptarëve është shndërruar në shpresëvrasësin më të madh ën Europë dhe një nga 3 shpresëvrasësit më të mëdhenj në Europë. Baltën që hodhi Rama mbi opozitën për ta heshtur atë, të gjithë i mbajnë mend masat kundër popullit opozitar për të mos protestuar atë ditë, pazari që organizoi për të mos dëgjuar zërin tonë, ai mori turpin, por zëri ynë dëgjohet në gjithë botën. E vërteta nuk mbulohet dot, por triumfon. Sot mediat e botës po flasin të vërtetën e opozitës”.

Berisha theksoi se për këtë akt siç tha ai është tradhtia më e ulët ndaj mikut, do ta kishin zili edhe Putin e Lukashenko dhe i bëri thirrje të dorëhiqet.

“Kombi nuk ka patur një faqezi të dytë si ti. Jep dorëheqjen largohu! Pas këtij akti të pabesë ndaj aleatit të madh të SHBA, Edi Rama nuk është më legjitim, politikisht moralisht i njëjti njeri, ai nuk mund të jetë kryeministri i Shqipërisë i vendi të NATO-s. Atë nuk e shpëton asgjë. Jep dorëheqjen dhe largohu! Njëlloj si të ishte aleati i Putinit duke korruptuar një nga njerëzit institucionit më të rëndësishëm të aleatit tonë. Putin e Lukashenko janë gati të të varin qafë deklaratën; Faqezi. Tradhtia më e ulët është tradhtia ndaj mikut”.