Zhvillimet ne AI janë risia “më e rëndësishme” për momentin, tha filantropisti Bill Gates.

“Kjo do të ndryshojë botën tonë,” vazhdoi ai. AI gjeneruese si ChatGPT i OpenAI mund të përmirësojnë efikasitetin, duke hartuar fatura dhe letra, tha Gates.

Bashkëthemeluesi i Microsoft, Bill Gates beson se ChatGPT, është po aq i rëndësishëm sa shpikja e internetit.

“Deri tani, inteligjenca artificiale mund të lexonte dhe të shkruante, por nuk mund ta kuptonte përmbajtjen. Programet e reja si ChatGPT do t’i bëjnë shumë punë në zyrë më efikase duke ndihmuar në shkrimin e faturave ose letrave. Kjo do të ndryshojë botën tonë”, tha ai.

“Mënyra më e lehtë për ta kuptuar atë është se AI është shumë i mirë në njohjen e të folurit dhe njohjen vizuale, por ata në thelb nuk mund të lexonin,” tha ai.

Me fjalë të tjera, platformat tradicionale të inteligjencës artificiale nuk mund të përpunonin në të vërtetë gjuhën që merrnin. Por platformat më të reja, si ChatGPT, janë të afta të trajnojnë, përmirësojnë dhe lexojnë e shkruajnë përmes njohurive të reja.

ChatGPT, i zhvilluar nga firma amerikane OpenAI dhe i mbështetur nga Microsoft Corp është vlerësuar si aplikacioni me rritjen më të shpejtë në histori.

Programi ChatGPT, besohet se u krijua nga shqiptarja Mira Murati e cila njëherësh është shefja e teknologjisë në OpenAI.