Në përgjigje të raportimeve se Elon Musk ishte i tërbuar për suksesin e arritur nga ChatGPT, CEO i OpenAi, Sam Altman nuk i bëri fjalët dhe sulmoi ashpër numrin një të Tesla-s gjatë podcast-it “On With Kara Swisher”.

Drejtori i ri ekzekutiv i kompanisë së momentit pohoi se Elon Musk është “një idiot” dhe më pas vazhdoi të nënvizonte se “ai ka një stil jete që nuk do të doja kurrë ta kisha për vete”.

Drejtori i Përgjithshëm i OpenAi donte gjithashtu të sqaronte dhe të largonte dyshimet e ngritura nga Elon Musk në lidhje me strukturën korporative të kompanisë së tij, pasi disa vite më parë afrikano-jugori kishte ngritur disa dyshime se “si një organizatë jofitimprurëse është bërë një kompani fitimprurëse. me 30 miliardë dollarë kapitalizim”. Lidhur me këtë, Altman deklaroi se kompania e tij është e “pavarur” nga Microsoft pavarësisht investimit maxi që ky i fundit përfundoi disa muaj më parë, dhe theksoi se si gjiganti Redmond nuk ka asnjë përfaqësues në bordin e drejtorëve të Open AI.

Altman iu përgjigj gjithashtu pretendimeve të Musk se OpenAI “u bë një kompani me burim të mbyllur, me fitim maksimal të kontrolluar efektivisht nga Microsoft”. 37-vjeçari nga Çikago u kundërpërgjigj duke thënë se “kjo nuk është e vërtetë dhe unë mendoj se Elon e di këtë”.

Nuk ishte thjesht një sulm dhe Altman i bëri jehonë shqetësimeve të Musk për AI duke deklaruar se “për mendimin tim mendoj se ai me të vërtetë kujdeset për të ardhmen e AI dhe ndihet shumë i stresuar se si duket e ardhmja e njerëzimit”.