Kryedemokrati Sali Berisha deklaroi nga Vau i Dejës ku prezantoi Zef Hilën, kandidatin e zgjedhjeve të 14 majit, se në qarkun e Tiranës dhe Elbasanit janë 420 mln euro kontrata për 3 djegësa dhe asnjë djegës nuk ekziston.

Sipas Berishës, ndonëse inceneratorët nuk ekzistojnë, prokuroria bën sikur heton dhe ndërkohë mbyll hetime.

“ A e dini ju, në qarkun e Tiranës dhe Elbasanit janë 420 mln euro kontrata për 3 djegësa dhe asnjë djegës nuk ekziston. Asnjë djegës nuk ekziston dhe prokuroria bën sikur heton, në fakt mbyll hetime.

Sot dëgjoja prokurorin, sepse për djegësin e Tiranës në të cilin Erion Veliaj dhe Edi Rama kanë vjedhur 53 milionë euro gjer tani, vetëm me tarifën e plehrave. Nuk e dimë thotë se i kujt është sipërmarrja. Por çfarë shteti është ky, po dihet se i kujt është.

Po atë pronarin e vërtetë nuk e prek me dorë o zoti prokuror, por ajo jetime nuk është. Dokumentet i ka Erion Veliaj, i ka Edi Rama, i ka dhe Sali Berisha dhe po të duash ditën e hënë do ti nis në prokurori.

Por edhe po ti nis unë ti nuk i hap dot ato, sepse sipërmarrja është e Edi Ramës, Erion Veliajt sepse ata vjedhin dhe vetëm vjedhin aty”, tha Berisha.