Konsumimi i tepërt i sheqerit ka 45 efekte negative për shëndetin

Studimi/ Konsumimi i tepërt i sheqernave ka 45 efekte negative për shëndetin

Foto ilustruese

Një studim i fundit ka treguar 45 efekte negative në shëndetin e njerëzve nga konsumimi i tepërt i sheqernave.

Disa nga efektetet negative janë diabeti, obeziteti, presioni i lartë të gjakut, ataku në zemër, goditja në tru, tumori, astma, prishja e dhëmbëve, depresioni dhe vdekja e hershme.

Konsumi i lartë i sheqerit shton sëmundjet kardiovaskulare dhe gjithashtu është lidhur me obezitetin, një faktor i fortë rreziku për krijimin e tumoreve.

“Marrja e tepërt e sheqerit mund të nxisë inflamacionin në trup dhe kjo mund të shkaktojë stres, rritje të rrahjeve të zemrës dhe të presionit në enët e gjakut”, tha për CNN shkencëtari Brooke Aggarëal.

Këto rezultate kanë dalë nga huluntimet e 73 meta-analizave që përfshinin 8601 studime.

Konkretisht huluntimet u fokusuan te “sheqernat e lira”, që gjenden natyrshëm në shurupe, mjaltë, lëngje frutash e perimesh, pure, pasta dhe ushqime të konservuara.

Ushqimet shumë të përpunuara, të cilat mund të kenë shumë sheqer të lirë, rrisin gjithashtu inflamacionin, një faktor rreziku për depresionin.

Për këto arsye, studiuesit kanë sugjeruar të reduktohet në më pak se 10% konsumimi ditor i shqevernave.