Vipat i bleu rilindja, opozitës i mbetet populli i thjeshtë !

Nga Rita Ora dhe Noizy e deri tek Luizi i Big Brother, PS po bind qytetarët të votojnë me “VIP-a”

Fushata elektorale ka nisur prej javësh me partitë politike që janë takuar me qytetarët për t’i bindur ata  që t’i votojnë duke shpalosur programin e tyre. Megjithatë Partia Socialiste ka futur dhe një armë jo të vogël në këto zgjedhje elektorale. Shpesh kemi parë që artistë të ndryshëm dali në mbështetje të kryebashkiakut të Tiranës, Erion Veliaj.

Ky i fundit shfrytëzon popullaritetin e personazheve publik, të cilët kanë një impakt të madh tek njerëzit nga reputacioni që kanë. Kemi parë këngëtarë si Rita Ora, Noizy, Ciljeta, Alban Skënderaj, Capital T, Ermal Meta etj që bëjnë fushatë në rrjetet e tyre sociale në mënyrë që njerëzit të votojnë Partinë Socialiste.

Disa prej tyre janë akuzuar dhe denoncuar se e mbështesin Veliajn sepse marrin përfitime të mëdha parash nga ai.

Jo vetëm kaq, por në këtë fushatë nuk mund të mungonte dhe fenomeni i katër muajve të fundit, fituesi i Big Brother VIP 2, Luiz Ejlli. Këngëtari ka shprehur hapur simpatinë për kandidatin e Partisë Socialiste, Benet Beci ku sëfundmi ishte i pranishëm në takim me të.

Ai foli përpara njerëzve në Shkodër duke i bindur që ata të votojnë Becin dhe të gjithë e kemi parë se çfarë influence ka Luizi tek ndjekësit e tij, ku për pak muaj vendosi rekorde shikueshmërie.

Tani pritet për të parë se çfarë do të ndodhë më datën 14 maj që janë dhe zgjedhjet, por duhet pranuar që përfshirja e VIP-ave në fushata elektorale nuk është kurrë gjë e kotë dhe qytetarët duhet të mendohen mirë se kë duhet të votojnë pasi “Lokalet” vendosin fatin e bashkive të tyre për katër vitet e ardhshme.