Diferenca ideale e moshës mes partnerëve për një lidhje jetëgjate

Njerëzit thonë se dashuria është e verbër, por studimet thonë se diferenca juaj në moshë mund të përcaktojë jetëgjatësinë e marrëdhënies suaj.

Koncepti i lidhjes me dikë dukshëm më të madh (ose më të ri) se ju ende ngre disa dyshime.

Për shembull; zemërimi rreth historisë së takimeve të Leonardo DiCaprio-s, ose Robert De Niro. E dashura e De Niro-s, Tiffany Chen është 45 vjeçe, ndërsa DiCaprio, 48 vjeç, është i njohur për lidhjet me vajzat nën 25-vjeç.

Kur presidenti i Francës Emmanuel Macron, 45 vjeç, u zgjodh në vitin 2017, njerëzit u tronditën që gruaja e tij Brigitte Trogneux ishte 25 vjet më e madhe se ai, tani ajo është 70 vjeçe.

Në atë kohë, Macron foli për obsesionin ndërkombëtar për diferencën në moshë mes tij dhe partneres.

“Nëse do të isha 20 vjet më i madh se gruaja ime, askush nuk do të mendonte për asnjë sekondë se ne nuk mund të ishim legjitimisht bashkë,” tha ai për Le Parisien .

“Kjo ndodh për shkak se ajo është 20 vjet më e madhe se unë dhe shumë njerëz thonë, ‘kjo marrëdhënie nuk mund të jetë e qëndrueshme, nuk mund të jetë e mundur’.

Ndërsa ka gjithmonë përjashtime nga rregulli, studimet kanë treguar se disa dallime në moshë kanë më shumë gjasa të përfundojnë me lot.

Sipas një studimi të kryer nga Universiteti Emory në Atlanta, sa më i madh të jetë diferenca aq më e madhe është mundësia e ndarjes.

Pas analizimit të 3,000 njerëzve, u zbulua se çiftet me një diferencë moshe pesëvjeçare kanë 18 për qind më shumë gjasa të ndahen sesa ata të së njëjtës moshë.

Kjo shifër u rrit në 39 për qind për çiftet me një diferencë moshe 10-vjeçare dhe në 95 për qind për ata me një diferencë moshe 20-vjeçare.

Ndryshe nga besimi popullor, studiuesit besojnë se diferenca e moshës me vetëm një vit midis bashkëshortëve kanë një shans shumë më të vogël për ndarje, me vetëm tre për qind.