Përfitimet shëndetësore të verës së kuqe janë debatuar për një kohë të gjatë. Shumë besojnë se një gotë në ditë është pjesë e një diete të shëndetshme ushqimore, ndërsa të tjerë mendojnë se vera është e mbivlerësuar.

Studimet kanë treguar se konsumimi i moderuar i verës së kuqe sjell një risk të ulur për disa sëmundje, duke përfshirë dhe sëmundjet e zemrës.

Por, duhet të kemi parasysh se konsumimin e moderuar dhe atë të tepruar i ndan një vijë e hollë.

Vera e kuqe përmban përbërës të fuqishëm bimorë dhe antioksidantë, duke përfshirë resveratrolin

Rrushi është i pasur në antioksidantë. Këtu përfshihen resveratroli, katekina, epikatekina dhe proanthocyanidin.

Këta antioksidantë, sidomos resveratroli dhe proanthocyanidin, besohet se shkaktojnë përfitimet shëndetësore të verës së kuqe.

Proanthocyanidin mund të reduktojë dëmtimin oksidativ të trupit. Gjithashtu mund të parandalojë sëmundjet e zemrës dhe kancerin.

Resveratroli gjendet në lëkurën e rrushit. Prodhohet në disa bimë si përgjigje ndaj dëmtimeve dhe lëndimeve. Ky antioksidant mund të luftojë inflamacionin dhe mpiksjen e gjakut, si dhe të reduktojë rrezikun për sëmundjet e zemrës dhe kancerin.

Vera e kuqe mund të ulë riskun e sëmundjeve të zemrës, goditjeve në tru dhe vdekjes së hershme

Konsumimi i një sasie të vogël të verës së kuqe sjell më shumë përfitime shëndetësore se ndonjë pije tjetër alkoolike. Njerëzit që pijnë 150 ml në ditë duket se kanë një risk 32% më të ulët se ata që nuk pijnë. Por, sasi më të mëdha se kaq, e rrisin riskun për sëmundje të zemrës në mënyrë drastike.

Konsumimi i një sasie të vogël të verës së kuqe mund të reduktojë riskun për sëmundje të zemrës duke mbajtur kolesterolin “e mirë” HDL në gjak. Gjithashtu oksidimi i kolesterolit të “keq” LDL, mund të reduktohet me 50%.

Shumë studime kanë treguar se personat që e konsumojnë verën në sasi të moderuar, kanë një risk më të ulët vdekjeje nga sëmundjet e zemrës se ata që konsumojnë birrë apo pije të tjera alkoolike.

Por, duhet pasur parasysh se nuk duhet tepruar me konsumimin e verës, sepse mund të shkaktojë efekte negative në shëndet në vend të atyre pozitive.

Këto efekte negative mund të jenë:

• Varësi ndaj alkoolit: Pirja rregullisht e alkoolit mund të dalë jashtë kontrolli dhe t’ju çojë drejt alkoolizmit.
• Cirroza e mëlçisë: kur më shumë se 30 gram alkool (rreth 2 – 3 gota verë) konsumohen çdo ditë, rritet risku për të zhvilluar sëmundje të mëlçisë. Sëmundja e mëlçisë, e quajtur cirroza e mëlçisë, në fazat e fundit, mund të jetë kërcënuese për jetën.
• Risk i rritur për depresion: Ata që konsumojnë shumë alkool kanë një risk më të lartë për t’u prekur nga depresioni sesa ata që nuk konsumojnë alkool.
• Shtim në peshë: Vera e kuqe përmban dyfishin e kalorive krahasuar me birrën dhe pijet joalkoolike me sheqer.
• Risk i rritur për vdekje dhe sëmundje: Konsumimi i një sasie të madhe vere, edhe vetëm 1 – 3 ditë në javë, mund të rrisë riskun për diabet tek meshkujt. Sasia e lartë e alkoolit lidhet gjithashtu me një risk të shtuar për vdekje të hershme.

Burimi: Healthline