Po ku janë yjet e Lalit sot që ai është në vështirësi?

Kryetari i Bashkisë Tiranë, Erion Veliaj po kalon ditë të vështira pas arrestimit të drejtorëve dhe miqve të tij më të ngushtë nga SPAK.

Redi Molla, i cili ka qenë në krye të shoqërisë “ujësjellës Kanalizime”, dhe Maringlen Qato, deri para disa kohësh në krye të Inspektoriatit të Mbrojtjes së Territorit, u arrestuan me urdhër të Prokurorisë së Posaçme kundër Krimit të Organizuar dhe Korrupsionit. Ata dyshohen për “korrupsion pasiv” dhe “fshehje e mosdeklarim të pasurisë”.
Një urdhër i dytë arresti, është lëshuar dhe për Taulant Tushen, ish Drejtor i Përgjithshëm, i arrestuar më herët, për përfshirjen në rastin e inceneratorit të Tiranës. Ai dyshohet për “shkelje të barazisë në tendera”.

Po ku janë yjet e Lalit sot që ai është në vështirësi?

Sa herë ka zgjedhje dhe Lali është në fushatë, rreth vetes mban gjithmonë disa ‘artista’ si Noizy, Ciljeta, Ermal Mamaqi etj, të cilët në këmbim të ‘lëpirjeve’ ndaj kryetarit të Bashkisë, marrin fonde publike, privilegje, punësime etj.

Nuk kanë munguar as deklaratat e tipit: E ke kthyer Tiranën në një qytet Europian! Fitoren e kemi në xhep! Një deklaratë kjo e ‘artistit’ Noizyt, i cili shkon nga ‘fryn’ leku.

Reperi i cili reklamon jetën e luksit dhe të gangsterit u ble nga Erion Veliaj për 50 milionë lekë. Siç shihet nga një transaksioni kompania e quajtur ‘Iliriyan Bloodline’ në pronësi të Rigels Rajku ka marrë një pagesë prej 50 milionë lekësh nga Erion Veliaj si pjesë e projektit art-kulturë të bashkisë. Sipas burimeve kjo është vlera më e vogël që Noizy ka marrë nga Lali. Por tani që Lali është në vështirësi duket se Noizy nuk e ka vënë ‘ujin në zjarr’ për hallet e tij. Ai duhej të postonte Tiranën në Instagram, ose të dilte të bënte bamirësi, pse jo edhe të mbillte ndonjë pemë!

Ermal Mamaqin nuk mund ta bëjmë me faj! Ai është i zënë me Ilir Beqjen, pasi nuk se shquhet për zgjuarsi dhe e ka ngaterruar veten me hallet e ministrit. Gjithësesi, një fjalë për Tiranën duhej ta thoshte…

Shpëtimtarja tjetër e ‘Lalit’, Ciljeta Xhilaga do të ishte aty për ti ardhur në ndihmë, por as ajo nuk vjen dot se e kanë mbyllur te ‘Ferma VIP’.

Nga ana tjetër Çili ka pikasur me fjalimin e saj për Lalin:

“Ndoshta shumë nga ju habiten që më shikojnë sot këtu por unë di të them vetëm dy fjalë. Lali Eri është nga ato djem që di ti fitojë zemrën rinisë dhe ma ka fituar zemrën edhe mua. Përtej pjesës partiake, si politikan, ai mbi të gjitha di të jetë një njeri, me një zemër shumë të madhe. Unë sot këtu jam si Çiljeta, si artiste. Sot tek ju shoh veten time përpara shumë vitesh ku kisha plotë ëndrra dhe pasione. Kështu që ajo këshillë që do t’ju jepja është që të vini zemrën në pasionet tuaja, në ëndrrat tuaja, sepse ajo do zgjojë çdo gjë që ju t’i shkoni ëndrrave tuaja deri në fund. Sigurisht kush e shikon veten si Lali Eri i ardhshëm, që i bën gjërat me zemër, ndiqni zemrën tuaj. Nxirrni nga zemra më të mirën që ju buron sepse dashamirësia është arma më e fortë e çdo njeriu në jetë”.

Por nuk është cudi që Lalit ti vijnë përforcime artistash ndëkombëtar si: Rita Ora, Ermal Meta, Dua Lipa e Ksamilit, apo edhe kjo nuk i vjen dot në ndihmë? 

/Pamfleti