Mira Murati konfirmon: “disa punë krijuese do të zëvendësohen nga AI”

Tashmë dihet mirë se inteligjenca artificiale është e destinuar të ndryshojë diametralisht jetën tonë të përditshme dhe shumë po pyesin se çfarë ndikimi do të ketë edhe në botën e punës. Disa indikacione erdhën nga Shefja e Teknologjisë e OpenAI, Mira Murati.

Gjatë një paneli të mbajtur në fakultetin e inxhinierisë në Universitetin Dartmouth, Mira Murati tha se ndoshta “disa punë krijuese do të zhduken” pasi ato zëvendësohen nga inteligjenca artificiale, duke specifikuar se “ndoshta nuk duhet të kishin ekzistuar që në fillim”.

Mira Murati shpjegoi gjithashtu se inteligjenca artificiale me shumë gjasa është e destinuar të bëhet një mjet bashkëpunues, i cili do të nxisë kreativitetin e njerëzve. Lidhur me rastet e mundshme të përdorimit, ekzekutivi i kompanisë që qëndron pas chatbot-it më të njohur në botë gjithashtu vuri në dukje se AI mund të përdoret gjithashtu në fushën e arsimit, por edhe për trajnime dhe për të zgjeruar inteligjencën e njerëzve, si dhe kreativitetin dhe imagjinatën.

Ndërkohë pak ditë më parë dolën disa indikacione se sa inteligjent do të jetë GPT-5 i OpenAI, modeli i ri i AI që duhet të mbërrijë për rreth një vit e gjysmë dhe që sipas deklaratave të Muratit do të jetë një inteligjencë “për doktoraturë për detyra specifike. Gjërat po ndryshojnë dhe po përmirësohen mjaft shpejt”.

Çfarë mendoni për këto deklarata? Na tregoni përmes seksionit të komenteve.