10 shenja që tregojnë se mbase duhet të hiqni dorë nga kafeina

Kafeina mund të jetë një dozë energjike magjike që ju ndihmon të zgjoheni në mëngjeset tuaja, por për disa njerëz, ajo është më shumë një armik i heshtur sesa një mrekulli. Nëse keni ndjerë ndonjëherë që nuk jeni në formë, por nuk mund të kuptoni se pse, kafeja juaj e përditshme mund të jetë shkaktari. Është e lehtë të injorosh shenjat që trupi juaj po refuzon kafeinën derisa ato të bëhen të pamundura për t’u injoruar.

Këmbët “miza”

Nëse keni ndjerë ndonjëherë se këmbët tuaja nuk qëndrojnë dot të qeta pas një filxhani kafeje, kafeina mund të jetë shkaktari. Për disa njerëz, kafeina e stimilon tepër sistemin nervor, duke shkaktuar një dëshirë të pakontrollueshme për të lëvizur këmbët—sidomos natën. Kjo ndjesi mund të vështirësojë procesin e gjumit. Duke qenë se kafeina mund të qëndrojë në sistemin tuaj për orë të tëra, edhe një kafe pasdite mund të çojë në një natë të parehatshme.

Skalp i thatë

Efektet dehidratuese të kafeinës nuk ndikojnë vetëm në trupin tuaj – ato gjithashtu mund të ndikojnë në lëkurën e kokës, duke çuar në tharje të tepërt ose skuqje. Një skalp i thatë nuk është thjesht i pakëndshëm; me kalimin e kohës, mund të dobësojë shëndetin e flokëve dhe të kontribuojë në rrallimin e flokëve. Nëse skalpi juaj thahet dhe flokët po ju bien, mbase shkaku është kafeja.

Një shtresë në gjuhën tuaj

Mund të tingëllojë e çuditshme, por efektet acidike të kafeinës mund të bëjnë që një shtresë e gjelbër të shfaqet në gjuhën tuaj. Kjo ndodh shpesh kur sistemi juaj tretës po përpiqet të përpunojë acidin, duke çuar në një çekuilibër në bakteret në gojën tuaj.

Ju bie energjia në mesditë

Kafeina supozohet t’ju japë energji, por për disa, ajo bën të kundërtën – duke çuar në rënie ekstreme të energjisë vetëm disa orë më vonë. Kjo ndodh sepse kafeina shkakton një rritje të adrenalinës dhe sheqerit në gjak, e cila bie shpejt, duke ju bërë të ndiheni të lodhur. Nëse e gjeni veten të dëshpëruar për një filxhan tjetër në fillim të pasdites, mund të jeni në një rreth vicioz varësie.

Ënjtje

Për disa njerëz, kafeina nuk është vetëm një përforcues i energjisë – është diçka që trupi i tyre e sheh si një mysafir të padëshiruar. Kur dikush ka një intolerancë ose alergji ndaj kafeinës, sistemi i tyre imunitar reagon ashpër, duke e trajtuar atë si një substancë të dëmshme. Kjo shkakton lirimin e histaminës, një kimikat që shkakton inflamacion, në një përpjekje për të “luftuar” kafeinën.

Pagjumësi

Edhe nëse pini kafe vetëm në mëngjes, intoleranca ndaj kafeinës mund t’i mbajë efektet e saj në trupin tuaj për orë të tëra. Kjo mund të çojë në probleme për të fjetur, për të qëndruar në gjumë ose për t’u çlodhur kur zgjoheni.

Probleme me stomakun

Për disa, kafeina irriton mukozën e zorrëve, duke çuar në fryrje, ngërçe apo edhe diarre. Ky shqetësim shpesh krijohet me kalimin e kohës, duke ju lënë të ndiheni të lodhur dhe irrituar. Nëse sistemi juaj tretës duket se “rebelohet” çdo herë që pini kafe, trupi juaj po ju thotë se është koha për të bërë një pushim. 

Rrahje të shpejta ose të parregullta të zemrës

Një zemër që rreh më shpejt se zakonisht mund të jetë normale pas një stërvitjeje, por nëse ndodh nga hiçi, shkaku mund të jetë kafeina. Ky stimulues përshpejton rrahjet e zemrës dhe mund të çojë në një ritëm të parregullt. Nuk është thjesht bezdisëse- mund të jetë alarmante dhe madje e rrezikshme në disa raste.

Rritja e ankthit

Kafeina stimulon sistemin nervor dhe për disa njerëz, kjo mund të shkaktojë ndjenja ankthi. Nëse e gjeni veten më të nervozuar se zakonisht pasi keni pirë kafe, duhet t’i kushtoni vëmendje mënyrës sesi trupi juaj po reagon. Reduktimi i marrjes së kafeinës mund të ndihmojë në qetësimin e sistemit tuaj nervor dhe të rikthejë një ndjenjë ekuilibri.

Dehidratim pavarësisht nga pirja e ujit

Efektet dehidratuese të kafeinës mund të pengojnë trupin tuaj të përthithë siç duhet lëngjet. Edhe nëse jeni duke pirë ujë së bashku me kafenë tuaj, vetitë stimuluese të kafeinës mund t’ju bëjnë të ndiheni të etur dhe pa energji. Nëse vëreni këtë etje të vazhdueshme, mund të jetë një ide e mirë të reduktoni marrjen e kafeinës.

Burimi: Bright Side