Këngëtarja angleze xhiron klipin në Kosovë

Polly Jean Harvey, e njohur në fushën e muzikës si PJ Harvey, është frymëzuar nga pamjet e situatën në Kosovë për videoklipin e saj të ri. Muzikantja angleze, e cila ka qenë gjithashtu pjesë e grupit “Automatic Dlamini”, tregon në këtë video eksperiencën e saj gjatë vizitës në Kosovë.

Këngëtarja ka zgjedhur pikërisht këtë vend për të regjistruar videon e saj më të re muzikore për këngën “The Wheel”, pjesë e albumit të ri “The Hope Six Demolition Project”. Me regji të Seamus Murphy, videoklipi tregon një përmbledhje të pamjeve të Kosovës nga viti 2011 deri në 2015. Teksa ka folur për udhëtimin e saj në Kosovë, Harvey është shprehur:

“Kënga ‘The Wheel’ tregon udhëtimin në Kosovë dhe në qytetet e saj. Pamjet drejt Fushë Kosovës dhe kryeqytetit të Prishtinës është referenca kryesore për titullin e kësaj kënge”.

Por, këngëtarja ka treguar se pamjet nuk ishin i vetmi frymëzim për të, pasi nëse nuk do kishte vizituar fshatrat e braktisura apo nuk do kishte përjetuar historitë e ndryshme të njerëzve, kjo këngë nuk do të kishte kuptim.