Pirlo, Lampard, Kaka dhe Shkëlzen Gashi në një skuadër?

Shkëlzen Gashi largohet nga Bazeli. Madje sulmuesi i kombëtares shqiptare ka zgjedhur të largohet dhe nga Europa pasi ka parë Amerikën si vendin ku do të vazhdojë karrierën e tij. 28-vjeçari ka arritur akordin me Kolorado Rapids dhe tashmë mund të quhet zyrtarisht futbollisti më i ri i këtij ekipi. Lajmin e konfirmon e përditshmja zviceriane “Blick.ch” që e quan të mbyllur këtë transferim. Tashmë futbollisti i Kombëtares kuqezi do të luajë në MLS ku luajnë edhe yje të klasit botëror si Pirlo, Lampard, Kaka edhe shumë të tjerë.