Nuk dinë të punojnë, nuk kanë zotësi, dembelë, parazitë, e presin punën në shtëpi etj etj

Kryebashkiaku Erion Veliaj, 8 shkurt:

“Këto janë 600 mundësi punësimi për djem e vajza që kanë passion dhe zell për t’i shërbyer vendit, që preferojnë të lënë kafen, bingot e skedinën, për uniformën dinjitoze të Republikës së Shqipërisë.”

Ministri Blendi Klosi, 3 shkurt 2016:

“Dhe qytetarët shqiptarë kanë një problem shumë të madh në këtë drejtim, pasi në radhë të parë e presin punën në shtëpi, në radhë të dytë e kanë të vështirë të orientohen në tregun e punës. Në Shqipëri ka nevojë për profesionistë; në Shqipëri ka nevojë për njerëz që duan të punojnë dhe që dinë të punojnë.”

Kryeministri Edi Rama, 7 dhjetor 2015

“Burrat janë përgjithësisht dembelë dhe parazitë, kurse gratë janë përgjithësisht punëtore dhë të afta për të kompensuar parazitizmin e burrave të tyre.

Deputeti Koço Kokëdhima, korrik 2014:

“Shumë njerëz janë të papërgatitur për këtë kohë që ka ardhur. Nuk dinë të punojnë, nuk kanë zotësi dhe aftësi, por më e keqja nuk kanë as dëshirë e vullnet për të punuar e mësuar.”