Safet Gjici merr në punë Legalistin Ekrem Spahia

Një lëvizje befasuese ka qenë ajo e Presidentit të Klubit të Futbollit të Kukësit, Safet Gjici i cili ka emëruar në postin e Drejtorit të Përgjithshëm të Klubit, ish-kryetarin e Partisë së Legalitetit dhe ish/zv ministrin e Kulturës dhe Rinisë, z. Ekrem Spahia. Ajo që e bën më të befasuese këtë lëvizje është fakti që një “Socialist” punëson në ndërrmarrjen e tij një “Legalist”, pasi Gjici ka kandiduar në zgjedhjet e fundit lokale në siglën e Partisë Socialiste për Bashkinë e Kamzës ndërsa Ekrem Spahia njihet si Kryetar për shumë vite i Partisë Lëvizja e Legalitetit.

Spahia ishte i pranishëm në stërvitjen e parë të ekipit nënkampion i shoqëruar nga drejtori teknik, Hasan Lika dhe trajneri Klodian Duro.

Pas analizës së humbjes ne Korçë ku ishte i pranishëm edhe vetë Spahia, në një prononcim për Supersport.al ai sqaroi se do të punojë për ndërtimin e strukturave efikase në mënyrë që Kukësi të vazhdojë të rritet si klub por edhe si skuadër në të ardhmen.

“Sporti është një mundësi e madhe për të bashkuar dhe jo për të ndarë dhe emërimi im do t’i shërbejë normalizmimit të çdop marrëdhënie institucionale. Jam i bindur se kryebashkiaku do të ketë mirësinë maksimale për të kontribuar në rritjen e Kukësit”.