Gërhet natën apo p… natën? Kronologjia e një arrestimi.

Preteksti komik i gërhitjes natën ka bërë bujë në media. Por shumica e komentuesve online e kanë komentuar gërhitjen si p… me pretekstin se nuk të liron kush vetëm sepse gërhet se kështu i bie të lirohen gjysma e të ndaluarve.

Ish-kryetari i Komunës Kaçinar në Mirditë, Petrit Bardhi, është liruar nga Gjykata e Lezhës 12 ditë pasi ishte arrestuar.

Gjykata Ilir Përdeda pranoi kërkesën e palës mbrojtëse për të liruar 43-vjeçarin me argumentin se ai vuan nga azma dhe gërhet natën.

Bardhi u arrestua më 6 shkurt pasi akuzohet për trafik të lëndëve narkotike.

Një vit më parë, Bardhi u arrestua pasi në makinë iu gjet një pistoletë.

Por Petrit Bardhi tha se arrestimi i tij ishte një presion politik.

Ai tha se i kanë arrestuar edhe djalin në Sarandë.

“Kjo Rilindje na ka mashtruar të gjithëve në vitin 2013 dhe nuk ka mbajtur asnjë premtim,” tha ai.

“Mua më kanë djegur edhe makinën dhe asnjë person nuk është vendosur përpara drejtësisë për këtë çështje, edhe pse i kam denoncuar me emra,” theksoi ai.