‘Sikur të isha djalë’

Gratë demokrate kanë protestuar sot para godinës së Kryeminstrisë për të kundërshtuar ofendimin nga shefi i qeverisë Edi Rama ndaj deputetes së Partisë Demokratike Albina Deda të enjten e kaluar në Kuvend. Kjo e fundit, e quajti Kryeministrin Rama një gënjeshtar dhe frikacak.

“Je një gënjeshtar i paskrupullt, nuk pres që të kërkosh falje. Je frikacak i madh prandaj i mban afër kriminelët duke i sjellë aty në Parlament”, tha deputetja Deda.

Teksa deputetja Albana Vokshi, e akuzoi Kryeministrin Rama si nxitës të dhunës ndaj grave.

“Vota jonë nuk mund të jetë vota arrogante ku Edi Rama shpreh inatin. Sa më shumë Rama fshihet pas fjalëve, aq më shumë vërteton të kundërtën. Rama jo vetëm është dhunues i grave, por është edhe si nxitës i dhunës ndaj grave”, tha ndër të tjera deputetja Vokshi.

Protesta shoqërohej nga kënga e Beyonce, “If i ëere a boy”, si një mesazh për kryeministrin Rama nga gratë e opozitës, ‘sikur të isha djalë’.