Inis Gjoni: ‘Nënë e baba për time bijë. Nuk dua të ndjekë rrugën time’

Inis Gjoni ka rrëfyer për karrierën dhe jetën e saj si nënë, e ftuar në ‘Life Stories nga Arjola Shehu’ në IN Tv.

Ajo ka treguar sesi është për të, të rrisë vajzën e saj 4-vjeçare, Coco Antonelin, si nënë e vetme. E pyetur nga moderatorja si e menaxhon të kujdeset për të bijën 2-fish, si nënë e baba, Gjoni është shprehur se mënyra e saj për t’ia dalë, është optimizmi i përhershëm:

‘Jam munduar gjithmonë t’i shoh gjërat me optimizëm. (…) Mendoj gjithmonë se duhet ta rris time bijë ashtu siç prindërit e mi më kanë rritur mua. Më thonë se e llastoj, por unë nuk bëj asgjë më pak apo më shumë për time bije se prindërit e mi për mua.’

Gjoni është shprehu edhe se është treguar e sinqertë me të bijën, lidhur me të atin, që u nda nga jeta në 2011-ën, kur Coco nuk kishte ardhur ende në jetë. ‘Përpiqem ta dëgjoj, ashtu siç im atë më dëgjonte mua. Mbaj mend se flisja shumë me të’, ka thënë ajo. Megjithatë, Inis Gjoni ka përsëritur se i beson shumë të menduarit pozitivisht, e për këtë ndihet me fat.

E pyetur nëse edhe Coco ka trashëguar pasionin e së ëmës, ish-balerinë, Gjoni është përgjigjur se nuk do të dëshironte që e bija të ndiqte hapat e saj. ‘Ajo kërkon të praktikohet çdo ditë. Por unë nuk do të kisha dëshirë, pasi tani artet, aq më tepër baleti, nuk vlerësohen ashtu si më parë. Mbaj mend që kur unë ndiqja shkollën e baletit ushtrohesha 4 apo 5 orë në ditë’

Regjisorja e ‘Mbroni Shpellarin’ ka rrëfyer se ajo ka përfunduar krejt rastësisht në televizion, por edhe pasi është bërë e njohur, nuk e ka parë famën si diçka që mund t’i shërbente: ‘Unë doja të bëja art. Të kërceja balet, jo të bëhesha e famshme. Këtë nuk e kam dashur kurrë. Kur vinin kamerat në shkollën time, unë isha gjithmonë ajo që fshihja kokën poshtë bankës. Por edhe më pas, kanë qenë regjizorët ata që kanë këmbëngulur.