Një këpucë e re po çmend fashionistat nëpër botë

Nëse jeni treguar të vëmendshme gjatë javëve të modës së dy sezoneve të fundit, atëherë me siguri nuk ju ka shpëtuar një detaj në këmbët e disa fashionistave. Së fundmi, duket se ato janë çmendur pas këpucëve të kuqe balerina, me takë të ulët e të trashë.

Me një stil sa çapkën aq edhe femëror, këto këpucë duket të jenë domosdoshmëria më e fundit në garderobën e një fashionisteje. Të kombinueshme me çfarëdolloj veshjeje, nga ato më sportivet tek ato më klas, këto këpucë mbi të gjitha, ofrojnë komoditetin që vetëm një takë e tillë mund ta ofrojë.