Pse është Donald Trump i pasur dhe ju s’jeni?

Ai ishte një fenomen, ne të gjithë e njihnim, por tani që shanset e tij për t’u bërë president i SHBA-ve u rritën, duam të dimë akoma më shumë. Dhe nëse ka një gjë që e karakterizon Donald Trump, është pasuria e tij.

Në një shkrim të publikuar në internet për portalin ekonomik Market Ëatch, eksperti Brett Arends shpjegon pse Trump është shumë, shumë i pasur dhe ne nuk jemi. Jo nuk ka të bëjë me të qenit më i zgjuar, më i shkolluar apo më i informuar. “Trump di një sekret që ne nuk e dimë: Përdor paratë e të tjerëve. Sigurisht që në mënyrë të ligjshme! Mënyra më e sigurt dhe me më pak risk është të “fusësh duart” në paratë e të tjerëve dhe t’i përdorësh ato në investime që ti i konsideron fitimiprurëse” thotë Arends.

Në fillimet e tij, Donald mori hua para dhe ngriti Kullën Trump dhe kazinonë Taj Mahal. Deri në vitin 1990 ai kishte fituar 9 bilionë dollarë! Kur gjërat nuk shkonin mirë, ai shpallte falimentin dhe në këtë mënyrë detyrimet e tij ndaj bankave ishin zero. Në librat që ka botuar, Donald thotë që e ka bërë këtë gjë disa herë. “Nuk ka asgjë të gabuar përsa kohë që është e ligjshme” ka thënë ai.

Nëse të gjithë amerikanët kanë marrë një kredi për të paguar studimet, sigurisht që Trump s’do bënte të njëjtën gjë. Ose do ta bëntë dhe sërish do shpallte falimentin. Një taktikë tjetër që ai ka ndjekur është “Merr hua dhe investo në tregun e letrave me vlerë”. Mjafton të dish ku, si dhe sa. Për shkak të mungess së informacionit, shpeshherë në Shqipëri kurismet nuk shfrytëzohen ashtu si do duhej të bëhej. Njerëzit ose nuk kanë informacion ose nuk kanë guxim! E dini sa mundësi investimi ofrojnë bankat e nivelit të dytë? Shumë mundësi, por të paktë janë ata që i shfrytëzojnë. Duke filluar nga fondet e pensionit, bonot e thesarit ( ku ju investoni paratë dhe interesin e merrni që në fillim),  fondet e investimit europiane dhe shqiptare dhe depozitat. Vërtet ne nuk kemi një treg të mirëfilltë financiar, por nëse kërkoni do gjeni, do krahasoni dhe në fund, me pak nuhatje financiare si Donald Trump do fitoni!