Umberto Eko lindi më 5 janar 1932 në Piedmont të Italisë. Është semiotikant italian, eseist, filozof, kritik letrar dhe romancier. Njihet më së shumti për romanin e tij “Emri i Trëndafilit”, i botuar në vitin 1980. Ai ka shkruar gjithashtu libra për fëmijë, tekste akademike dhe ese.
Unë mendoj se libri duhet gjykuar dhjetë vite më vonë pas të lexuarit dhe rilexuarit të tij.
Ne jetojmë për librat.
E dua aromën e ngjyrës së librit në mëngjes.
Unë besoj se e tërë bota është një enigmë, një enigmë e padëmshme që është bërë e tmerrshme nga vetë përpjekja jonë për ta interpretuar atë sikur ka një të vërtetë në brendi të saj.
Unë e shoh veten si një profesor serioz i cili, gjatë fundjavës, shkruan romane.
Një sekret është i fuqishëm kur është i zbrazët.
Në Shtetet e Bashkuara ekziston një etikë puritane dhe një mitologji e suksesit. Ai që është i suksesshëm është i mirë. Në shtetet latine, në shtetet katolike, personi i suksesshëm është mëkatar.
Kur poeti është i dashuruar, ai është i paaftë të shkruajë poezi për dashurinë. Ai duhet të shkruajë kur kujton se ishte i dashuruar.
U pasionova pas Mesjetës, në të njëjtën mënyrë se si disa njerëz pasionohen pas arrave të kokosit.
Të lexosh një libër nga letra është përvojë ndryshe: mund ta bësh në anije, në një degë druri, në shtratin tënd, edhe nëse ndalet rryma.
Problemi me Internetin është se ai të jep gjithçka – material të besueshëm dhe material të çmendur. Kështu problemi bëhet, si ta bësh dallimin?
Duhet të jeni i kyçur në mënyrë që të mund të lini një koment Kyçu