A po e teprojnë me Joleza Kokën? Edhe Anila Basha ‘grricet’ me të.

Tashmë duket se Joleza Koka është bërë një shënjestër e lehtë për gazetarët, që duhet pranuar se e teprojnë në disa raste.

Kryetarja e FRESSH nuk ia ka përtuar dhe i është përgjigjur gazetares Anila Basha, e cila e ka sulmuar për faktin se të rinjtë e FRESSH nuk e dinë nëse Silvio Berluskoni është i majtë apo i djathtë.

“Të marrësh kritikë nga Anila Basha për politikën ndërkombëtare është gati si kompliment.

Ky lloj abuzimi duhet të marrë fund. Koha që nëpërmjet shantazhit mediatik të marrësh ndonjë vend pune nuk pi ujë me këtë qeveri.

Është e jashtëligjshme t’i vesh mikrofonin përpara njerëzve dhe ta transformosh lajmin si të duash. Kjo gazetari restorantesh duhet të marrë fund edhe për hir të gazetarëve të tjerë që rrinë nga 20 orë në punë dhe i janë besnik të vërtetës,” shkruan Joleza Koka në FB.

Ja si i përgjigjet portali i Anila Bashës: “Duke u përpjekur të marrë edhe rolin e zëdhënëses së qeverisë, mesa duket Joleza Koka nuk është ende e bindur se Silvio Berluskoni është politikan i djathtë dhe nuk ka të bëjë me të majtën, ashtu siç pretendonin kolegët e saj. Megjithatë, pasi të largohet nga drejtimi i FRESSH, besojmë se Joleza do të ketë më shumë kohë të lirë për të lexuar dhe të thellojë njohuritë e saj në politikën ndërkombëtare”.