“Ajo që ishte në tavolinë para një jave nuk është në tavolinë gjithmonë. Nëse refuzon të hash një gur në momentin kur duhet ta hash mos kujto se do ta kesh aty vazhdimisht. Ne jemi kundërshtarë dhe s’jemi këtu t’i tregojmë PD-së si duhet të lëvizë.
I kam propozuar Bashës një mekanizëm garancie të opozitës brenda qeverisë. Ky mekanizëm vëzhgon nga afër në kohë reale zhvillimin e procesit. Një zëvendës kryeministër i propozuar nga PD, por jo anëtar i PD-së, i cili do të vihej në krye të një taskforce për të garantuar mospërfshirjen në proces në funksion të shumicës.
Ky zëvendës kryeministër bashkë me një përfaqësues të zgjedhur nga SHBA, një nga BE dhe një nga OSBE, do të kishin në dorë monitorimin e plotë të fushatës e gjithë procesit, bazuar në një rregullore të dakordësuar ku do të parashiheshin pikat e detyruara për qeverinë”- u shpreh Rama në një konferencë me gazetarët.
Duhet të jeni i kyçur në mënyrë që të mund të lini një koment Kyçu