Pasi keni sjellë në jetë fëmijën tuaj duhet të paraqiteni pranë zyrës së Gjendjes Civile në mënyrë që të mund të përfundoni regjistrimin e tij, proçedurë e cila është e detyrueshme për të gjithë.

Rregullat e përgjithshme

Fëmija duhet të regjistrohet brenda afatit dhe nëse ndodh kështu prindërit nuk paguajnë asnjë tarifë. Ky afat është 45 ditë pas lindjes.

Nëse ndodh e kundërta prindërit paguajnë:

• Shpenzimet gjyqësore;

• Avokatin (nëse marrin një të tillë);

• Gjobën prej 200.000 lekësh të vjetra pranë zyrave të Gjendjes Civile përkatëse.

Cilët janë personat që mund të regjistrojnë fëmijën?

• Prindërit;

• Pjesëtarët e familjes në moshë madhore;

• Përfaqësuesit ligjorë ose kujdestarët;

• Në pamundësi ose në mungesë të një nga personave të sipërpërmendur, mund ta bëjë këtë dikusht tjetër që vërteton lindjen.

Ku mund të kryhet rregjistrimi?

• Pranë zyrës së Gjendjes Civile ku kanë vendbanimin prindërit;

• Pranë zyrës së Gjendjes civile ku ka ndodhur lindja.

Cilat janë dokumentat e domosdoshme?

Prindërit apo personi tjetër që shkon për të regjistruar fëmijën duhet të ketë me vete çertefikatën e asistencës së lindjes së lëshuar nga institucioni ku ka ndodhur lindja. Ajo vërteton lindjen si fakt, kohën, vendin, gjininë e fëmijës si edhe mëmësinë.

Pas regjistrimit

• Nëse prindërit janë të martuar fëmija merr automatikisht mbiemrin e përbashkët të prindërve, ose të babait nëse nëna ka mbajtur mbiemrin e saj pas celebrimit.

• Nëse prindërit nuk janë të celebruar, fëmija merr mbiemrin e vajzërisë së nënës, dhe në momentin që babai e njeh atë mund të marrë mbiemrin e tij.