Lajmet kryesore në Shqipëri, shkurt
■ Kryeministri Edi Rama i ftuar në PolitikOn nga Alfred Lela në RTV Ora, u shpreh se negociata me vendin tonë nuk hapen pasi e kundërshton Holanda, jo për shkak të ndonjë përgjegjësie nga Shqipëria. Kryeministri tha se për çeljen e negociatave me BE-në Shqipërisë i janë vendosur 15 kushte dhe i vetmi i paplotësuar eshte Gjykata Kushtetuese funksionale, edhe kjo sipas tij e padrejtë.
■ Zbardhet draft-raporti i PE për Shqipërinë: Shqetësim serioz klima politike e polarizuar, jo progres lirisë së medias; 25 prilli thelbësor për konsolidimin demokratik.
■ SPAK kërkesë për sekuestrimin e pasurive të ish-kryeprokurorit Adriatik Llallës, reagon ambasadorja e SHBA, Yuri Kim: Po jep rezultat
■ Gjonaj propozon 1 vit burg për memet, “armët” e Ramës për të ironizuar kundërshtarët politikë. Mohon Rama: Është keqinterpretuar, nuk bëhet fjalë për montazhet satirike.
■ Policia e Shtetit ka reaguar pas deklaratave të disa deputetëve në Kuvend, duke shprehur indinjatën, ndërsa shton se këto deklarata janë të papranueshme dhe përbaltin padrejtësisht punonjësit e Policisë. Ajo ka bërë thirrje që ndalen “sulmet”, pasi dëmtojnë reputacionin e organizatës dhe i japin krahë krimit.
■ Në 24 orët e fundit në vendin tonë kanë humbur betejën me Covid-19, 13 persona. Numri i rasteve të reja ka shënuar rritje krahësuar me një ditë më parë. Nga 2.256 testime të kryera kanë rezultuar pozitivë 782 raste, raporton ministria e Shëndetësisë. Numrin më të lartë të infeksioneve ditore e ka Tirana.
■ Për herë të parë në histori, Shqipëria do të mirëpres një finale të madhe europiane. Federata Shqipëtare e Futbollit përmes një njoftimi, bëri me dije se “Air Albania Stadium” mirëpret finalen e “Conference League” në vitin 2022!
■ “Shqipëria investon më pak për shëndetësinë”, Basha: Boll më! Të rimbursohet ilaçet
■ Shqipëria raporton misionin njëvjeçar të OSBE, Rama: Jemi në krizë! Lini pas krahëve qëndrimin e luftës së ftohtë
■ Ndalim grumbullimesh e tubimesh politike, Partia Republikane dërgon në ‘Kushtetuese’ vendimin e Komitetit të Ekspertëve: Pse jo i njëjti parim për Kuvendin e qeverinë?! Reagon Manastirliu: 15 milionë euro nga BERZH për përballimin e situatës së COVID
■ Zbardhet raporti i KE: Shqipëria të zbatojë ligjin për të parandaluar korrupsionin në ministri! Vettingu në Polici po largon të kualifikuarit
■ Kuvendi rrëzon dekretin e Metës për ‘Policinë e Shtetit’,miratohet përbërja e Komisionit për raportin e Dick Marty
■ Deputetja Rudina Hajdari dhe ministrja Elisa Spiroali janë përplasur dje në Kuvend. Hajdari i ka kerkuar qeverisë një paketë të tretë ekonomike në ndihmë të qytetarëve dhe bizneseve në nevojë, por Spiropali i tha se kjo nuk mund të ndodhë, pasi nuk është bërë deti kos.
■ Byroja Kombëtare e Hetimit, bën me dije se të gjithë kandidatët për në BKH duhet që t’i nënshtrohen testit të poligrafit, ku do të plotësojnë “Deklaratën e pasurisë dhe interesat private për pozicione të ndryshme në institucionet e sistemit të drejtësisë”.
■ PD është shprehur se qeveria mashtroi qytetarët kur tha se spitali i Laçit do të ndërtohet dhe brenda një viti do të ishte në punë, pasi godina nuk ka gjasa të ndërtohet edhe për 2 vjet të tjera.
■ Autoritet greke kanë shtyrë sërish afatin e hapjes së pikës kufitare të Kapshticës deri më datë 14 dhjetor./ Politiko.al
Artikuj të ngjashëm
Më tepër nga kjo kategori
Aktualitet
