Lajmet e fundit kryesore në Shqipëri

■ Nuk iu bind urdhrit dhe kanosi policinë, efektivi qëllon për vdekje me armë zjarri 25-vjeçarin. I riu u vra në një “rrugicë qorre”,100 metra larg shtëpisë. Ekspertiza: Plumbi në zemër, fatal për të riun. SHÇBA arreston efektivin e policisë në Tiranë.

Të lidhura: Vrasja e të riut në Tiranë/ SHÇBA: Polici ishte në kundërshtim me procedurat e përdorimit të armëve të zjarrit.

* Ç’parashikon ligji për të drejtën e policisë në përdorimin e armës (dokumenti)

* Vrasja e 25-vjeçarit, familjarët ‘rrëzojnë’ versionin e policisë dhe paralajmërojnë vetëgjyqësi : Kam 5 djem, gjaku shkon me gjak; Shkodra thyen karantinën në shenjë proteste.

■ 30-vjetori i Lëvizjes Studentore; Politika uron në Ditën Kombëtare e Rinisë: Koha të bëjmë Shqipërinë si gjithë Europa.

Të lidhura: “Para 30 viteve vriste Gramoz Ruçi, sot Rama dhe Lleshaj”, Bardhi për ekzekutimin e të riut: Kanë ndryshuar emër, por jo model! 

* “E gdhendur si me daltë, në muret e kujtesës”, Berisha homazh për studentët e Dhjetorit: Nderim përjetë…

* “Më kishin zënë rrugën komunistët”, Prec Zogaj: Spekulativ pretendimi i Ramës; Genc Ruli: E përzuri Gramoz Pashko, i tha: “Edi ik se na mërzite”

■ PE apel Këshillit Evropian: Hapni negociatat me Maqedoninë e Veriut në dhjetor dhe të ecet përpara me Shqipërinë

■ LVV dorëzon projekt-rezolutën mbi gjenocidin serb ndaj shqiptarëve të Kosovës: 3 kërkesa ndaj institucioneve të Shqipërisë

■ 4 pacient të vetëvrarë brenda 4 muajve, Drejtori i “Shefqet Ndroqit” letër ‘sehirxhinjëve nga fronti i Ferrit’.

■ Në 24 orët e fundit në Shqipëri janë regjistruar 14 humbje jete nga Covid-19. Ndërkohë numri i rasteve të reja ka regjistruar rritje krahësuar me një ditë më parë. Ministria e Shëndetësisë bëri me dije se kanë rezultuar pozitiv 753 persona. Sipas MSH, në 4 spitalet covid po trajtohen 450 pacientë.

■ SPAK ka nisur hetimet për dy ngjarje të ndodhura para 15 vitesh, autorët e të cilave nuk ishin zbuluar. GJKOK ka caktuar masat e sigurimit “arrest në burg”, ndaj shtetasve Lulzim Berisha, Emiljano Shullazi dhe për 4 “të fortët” e krimit. Ngjarja e parë është ajo e vrasjes së Klodian Saliut, një ish-anëtar të bandës së Durrësit dhe vrasja e dytë është ajo e biznesmenit Vajdin Lamaj në Tiranë.

■ Kush është Vajdin Lamaj, sportisti dhe biznesmeni që u vra me eksploziv të telekomanduar në ashensor.

■ Ambasadorja e SHBA-ve, Yuri Kim në Shqipëri ka reaguar, pas lëshimit të 6 urdhër arresteve për emrat e njohur të botës së krimit nga SPAK. Kim thotë se SPAK ka marrë përsipër një rast  kundër krimit të organizuar dhe korrupsionit. Ajo shpreson që SPAK të vazhdojë të demonstrojë forcën dhe integritetin.

■ Komisioneri për Zgjerimin në Bashkimin Evropian, Oliver Varhelyi, thotë se është i zhgënjyer nga fakti që nuk u hapën negociatat për Shqipërinë dhe Maqedoninë e Veriut. 

■ Kongresmeni Eliot Engel gjatë një seance dëgjimore për Ballkanin Perëndimor foli edhe për ish-luftëtarët e UÇK-së, që po përballen me akuza të rënda në Gjykatën Speciale të Hagës. Ai tha se kushdo që ka kryer krime lufte duhet të ndëshkohet dhe kjo nuk duhet të ndodhë vetëm me një etni.

■ Është zbardhur kalendari i kualifikuesve për botërorin Katar 2022. Shqipëria ka mësuar datat dhe se ku do të zhvillohen përballjet. Sipas kalendarit, duket se Shqipëria do të luajë nga shtatori në nëntor ku e presin tre transfertat më të vështira.