Deputeti i zgjedhur i Partisë Demokratike, Belind Këlliçi, ka qenë i ftuar në emisionin “Të Paekspozuarit” nga Ylli Rakipi në MCN TV, ku ka folur për zgjedhjet e 25 prillit dhe pretendimet e Partisë Demokratike, se zgjedhjet janë manipuluar dhe blerë nga PS.

Këlliçi tha se PS nuk kishte program, por ofronte vetëm para në këmbim të votës. Ai u shpreh se e ka konstatuar këtë fakt, në zonat ku ka bërë fushatv në Qarkun e Tiranës.

Belind Këlliçi: Është instaluar një regjim ku prevalon shitblerja e votës. Vlera e një kandidati është sa vota është i aftë të blejë. Nuk kanë qenë të pakta rastet që dilja në zonat ku isha kandidat. Kishte kritika edhe për programin tonë, pyesnin ku do të gjenden paratë, por nuk ka bërë vaki që pala përballë të mos kishte program. E vetmja aleternativë ishte 50, 100, apo 150 euro euro vota…

Artur Zheji: Kishte portin e Durrësit si Dubai. Aeroportin e Vlorës, të Kukësit…

Belind Këlliçi: Janë të gjitha mashtirme, 3D! E gjithë fushata u bazua në blerje masive të votave.

Artur Zheji: Ky popull është ëndërrimtar. Shitini ëndrra. Berisha tha do të bëhemi superfuqi energjitike e rajonit…

Ylli Rakipi: Ju thoni Rama-Toma-Qifja. Dy zgjedhje më parë Aqifi ishte tek PDIU. Ju la ju dhe aty mbeti vetëm Shpëtimi. Ju i dhatë 2 mandate të sigurta. Po të them si fitoi Toma, kishte tre ish drejtorë të rëndësishëm të PS. Ishte strategji. Është e vështirë ta kapësh sot.

Artur Zheji: Ka edhe element tjetër, si ka mundësi zoti Doshi me 33 mijë vota ka 3 mandate, LSI me 107 mijë ka 4. Si mund të hysh në zgjedhje të vrasësh veten?

Belind Këlliçi: Ka punuar për vota me target në çdo kuti. Kanë qenë të gjtihë për të marrë x mandate. Po flisni për zotin Doshi, që ka marrë 3 mandate, por harroni të përmendni që është i designuar në listën e Departamentit të Shtetit.