“Jeta ime, ashtu si e presidentëve të tjerë, është shumë e ngarkuar. Zgjohesh në mëngjes dhe vazhdon të vraposh. Si është të jesh në këtë ritëm për 25 vjet? Unë tani u mësova. Është si ajo rrota e minjve që rrotullohet pandalur dhe t’i thjesht nuk largohesh dot prej saj. Se edhe nëse ndalon, ajo do fillojë të lëvizë mbrapsht dhe vrapi rinis nga fillimi. Është një mënyrë jetese. Jam mësuar me të”!

Emri i tij po lakohet gjerësisht në media për shkak të ngjarjes së fundit me uljen e avionit në Minsk për të arrestuar një gazetar- kritik të tij, me emrin Roman Protasevich.

Alexander Lukashenko, presidenti i Bjellorurisë, ka nxitur zemërimin e ndërkombëtarëve duke u quajtur edhe diktator, dhe në vendin e tij po protestohet për ta larguar nga kolltuku i presidentit.

E gjithë kjo dramë politike që vërtitet rreth vendit të Europës Lindore qëndron tek vetë Lukashenko. 66 vjeçari ka mbajtur një kontroll të fortë të pushtetit në Bjellorusi prej më shumë se 26 vitesh, dhe nuk ka asnjë shqetësim për protestat apo edhe nga sanksionet ndërkombëtare si ndëshkim të sjelljeve të tij.

Si erdhi në pushtet Lukashenko?

Historia e ngritjes së tij në pushtet daton prej fillimit të vitit 1990. Mosha 30 vjeç e gjeti me një karrierë të suksesshme ushtarake, dhe me një plan ambicioz të një të riu. Ai fitoi për herë të parë zgjedhjet ku siguroi një vend parlamentar në Republikën Sovjetike.

Lukashenko mburret për lidhjet e forta që ka me Bashkimin Sovjetik. Më parë ai ka mbajtur poste me rëndësi në Ushtrinë Sovjetike, si dhe anëtarësimin në krahun të rinjve komunistë sovjetikë. Në vitin 1993, Lukashenko u emërua kreu i Komisionit të Anti-Korrupsionit të Parlamentit Bjellorus.

Në vitin 1994, Lukashenko u zgjodh president me 80.3% të votave. Ai kandidoi me premtimin se do nxjerrë vendin nga humnera. Prej asaj kohe ai mban pushtetin në duar. Vitet e fundit ka pasur lëkundje teksa u përball me një opozitë më të fortë. Në vitin e kaluar, frikës së mund të rrëzohej nga pushteti, bënë që të falsifikonte rezultatin e zgjedhjeve. Vetë ai, më po atë pushtet në duar, deklaroi se kishte fituar 80 % të votave, duke i dhuruar kështu vetes dhe njerëzve pranë tij një mandat të gjashtë qeverisës.

Kjo lëvizje shkaktoi protesta në të gjithë vendin. Ndërkombëtarët u acaruan gjithashtu. Britania e Madhe dhe Kanadaja vendosën sanksione kundër zyrtarëve të Bjellorusisë, të cilët u përpoqën ta mbanin Lukashenkon në detyrë duke përdorur manipulimin e zgjedhjeve, dhe ndalimin e protestave demokratike.

Më shumë se 35,000 Bjellorusë u arrestuan gjatë protestës së fundit më masiven, me mijëra që u përballën me abuzime dhe tortura në qelitë e paraburgimit.

Gjatë protestave, Lukashenko u përpoq të shfaqej si një njeri i rrezikuar, i veshur me një jelek antiplumbi, për t’u treguar ndëkombëtarëve se kërkonin ta sulmonin ‘të këqinjtë’.

Presidenti rus Vladimir Putin ka qenë një aleat i fortë i liderit Bjellorus- madje i ka dhënë një hua prej 1.5 miliard dollarësh në vitin 2020 si një gjest mbështetjeje dhe ndihmë vullnetare nga policia ruse gjatë protestave.

Rusia dërgoi gjithashtu gazetarë të lidhur me Kremlinin për të ndryshuar mënyrën e mbulimit të protestave në mediat shtetërore Bjelloruse.

Disa media e quajtën Lukashenkon si “diktatori i fundit i Evropës” megjithëse disa argumentojnë se ai mund të jetë i radhës por jo diktatori i fundit.

Edhe gjatë pandemisë, atij iu kërkua të largohej se nuk diti të menaxhojë situatën, por Lukashenko vazhdoi të mos lëshohet.

I bindur për pushtetin e tij, ai mbajti edhe një qëndrim publik duke thënë: ‘Në i bëmë zgjedhjet. Derisa të më vrisni nuk do ketë zgjedhje të tjera’!

“Jeta ime, ashtu si edhe presidentët e tjerë, është shumë e ngarkuar. Zgjohesh në mëngjes dhe vazhdon të vraposh. Si është të jesh në këtë vrapim për 25 vjet? Unë tani u mësova. Është si ajo rrota e minjve që rrotullohet pandalur dhe t’i thjesht nuk largohesh dot prej saj. Se edhe nëse ndalon, ajo lëviz dhe të kthen mbrapsht dhe vrapi rinis nga fillimi. Është një mënyrë jetese. Jam mësuar me të”, thotë Lukashenko në një biografi të tijën.

Galina Rodionovna Lukashenko, është gruaja e Presidentit Bjellorus, Alexander Lukashenko dhe është Zonja e Parë aktuale e Bjellorusisë. Galina ka pasur një lidhje tjetër jashtëmartesore ku lindi një djalë me emrin Nikolai.

Galina dhe Lukashenko kanë dy fëmijë bashkë, Viktor Lukashenko dhe Dmitry.

*Përkthyer nga Tiranapost.al.