Radar
I lodhur dhe mezi flet, videoja e Erdogan bën xhiron e botës
Pamjet Presidentit të Turqisë, Rexhep Taip Erdogan, ku shfaqet i lodhur duke folur me vështirësi, po bëjnë xhiron e botës.
Për këto pamje, agjencia kombëtare Anadolu, u akuzua nga media pro-qeveritare për mos mbrojtjen e imazhit të presidentit turk, pasi në këtë mënyrë cenon dhe imazhin e vendit.
Fatih Altaygli la të kuptohet se një person shumë i afërt me Erdogan kishte lejuar që presidenti turk të ekspozohej në publik.
“Transmetimi i këtyre imazheve është një turp i vërtetë.Kjo tregon qartë se dikush shumë i afërt me Presidentin po përpiqet ta vendosë Presidentin në një pozitë të vështirë, duke u përpjekur ta bëjë atë të duket i dobët”- tha ai
Duke iu përgjigjur kritikave, kryeredaktori i Anadolu Yusuf Ozhan tha se agjencia transmetoi intervistën e Erdogan drejtpërdrejt në kanalin e presidencës turke, kështu që ajo nuk mund të redaktohej.
Video u bë virale në mediat sociale turke, me shumë komente që imazhi i Erdoganit të dobët ishte në përputhje me thashethemet e problemeve serioze shëndetësore me të cilat është përballur kohët e fundit.
Çështja e shëndetit të Erdogan është një “tabu” në Turqi. Shkurtin e kaluar, një video tjetër e tregonte duke ecur me vështirësi kishte shkaktuar përsëri zhurmë në vend.
Në vitin 2020, rrjeti Monitor Nordic kishte botuar dokumente sekrete në lidhje me shëndetin e Presidentit turk. Sipas tyre, Erdogan ka qenë duke luftuar me kancerin e zorrës së trashë për shumë vite, ndërsa gjithashtu vuan nga epilepsia e rëndë.
