Sekreti i suksesit të veshjeve të Dua Lipës

Pushimet e Dua Lipës në Shqipëri morën vëmendje botërore falë rrjeteve sociale, ku këngëtarja nuk u kursye për foto. Ajo që tërhoqi më shumë vëmendjen e mediave ishte stili i saj i veshjes, i cili u përgëzua edhe nga faqet më prestigjioze të modës. “Vogue” i kushtoi një artikull plot detaje stilit të këngëtares me origjinë nga Kosova, duke e përmbledhur me titullin: “Ndërsa Dua Lipa pushon, stili i saj është në kulmin e punës”.

Ndërsa InSyle e shpjegoi suksesin e veshjeve të saj me kombinimin e dy elementëve më fashion të sezonit: prerjeve dhe shkëlqimit të copës.

“Ajo kishte veshur një fustan të bardhë të ndritshëm me tre prerje të mëdha të rrumbullakëta anash,  shoqëruar me vathë të mëdhenj dhe grim rozë”, shkruan InStyle.

“Cosmopolitan” e sheh sekretin e suksesit te rikthimi i një trendi.

“Këngëtarja ringjalli një nga tendencat më të mëdha të vitit 2000: ju kujtohet fustani ujëvarë? (Kujtimet e diskove të shkollës u kthyen”, shkruan revista.