Regjisori i njohur australian Taika Waititi dhe Rita Ora u shfaqën bashkë në “Met Gala” dhe kjo është jë nga daljet e tyre të radhës qëkur e bënë lidhjen publike. Prej disa kohësh po përflitet se mes tyre ka një lidhje serioze dhe që gjërat po shkojnë drejt fejesës por sipas fansave kjo gjë mund të ketë ndodhur.

Mbrëmë në ‘Met Gala”, më shumë sesa paraqitja e tyre, stili apo përzgjedhja e veshjeve, u diskutua unaza e Ritës. Çifti u ndalën në tapetin e kuq nga prezantuesja e  “Vogue”, Keke Palmer, dhe regjisori Waititi po fliste sa i emocionuar ishte si shoqërues i Ritës.

Unaza në gishtin e saj të fejesës ka ngritur menjëherë dyshimet se çifti kanë marrë hapin e radhës dhe janë fejuar. Këto thashetheme kanë nisur qëkur Rita postoi në Instagram një foto me unaza në gisht, ku njëren prej tyre e kishte mbuluar me një emoji flake.

Por Rita Ora e fshiu foton menjëherë, duke nxitur akoma më shumë thashethemet.

Ende nuk ka një konfirmim apo mohim të këtij lajmi, por duket që dyshja po e shijojnë mjaft lidhjen e tyre.