Prej disa kohësh po zhvillohet një “përplasje” virtuale” me Luana Vjollcës dhe Arbana Osmanit, e dukshme më shumë nga ana e Luanës e cila si duket ka pasur pritshmëri të prezantojë “Bg Brother Vip Albania”.

Në fakt, fansat e këtij “reality show” e lidhin këtë program me Arbanën sepse është prezantuesja tradicionale dhe të shumtë ishin ata që prisnin Arbanën të ishtë prezantuesja dhe jo dikush tjetër që “flet më shumë për veten” në emision se sa për personazhet – siç komentohet shpesh në mediat online.

Megjithatë, duket se Luana pretendon se “Arbana i mori” programin dhe kunjat e Luanës kanë nisur qëkur nisi “Dua të të bëj të lumtur” kur tha në mënyrë indirekte se “Shiko kush luan” është program më i suksesshëm se ai i Arbanës.

Më pas, në përfundim të “Shiko kush luan”, Arbana la të nënkuptohej se do ishte ajo prezantuese e “Big Brother Vip” deri sa e konfirmoi më vonë dhe tha se Arbana ishte zgjedhja e parë e grupit të produksionit.

Megjithatë Luana vazhdon të “sulmojë” Arbanën dhe kësaj radhe e ka bërë përmes portalit të saj “afterparty.al”.

Teksa para disa ditësh Arbana ka postuar disa story në prapaskenë kanë qenë disa prej objekte të “Shiko kush luan” dhe portali i Luanës pretendon se Arbana po e bën për të tërhequr vëmendje.

“Kurioziteti është i madh dhe ndjekësit për të mësuar të rejat më të fundit kanë vënë re një detaj tek story-t e prezantueses Arbana Osmani dhe ajo çfarë ra në sy ishte një lëvizje mjaft e zgjuar për të tërhequr vëmendje në një moment që emisioni “Shiko Kush LUAN” kërkohet në masë nga publiku. Ishin pikërisht disa story nga skena e Luana Vjollcës si për të tërhequr vëmendjen që emisioni shkakton,”- shkruan afterparty.al.

Portali i Luanës vazhdon më tej:

“Epo vëmendjen e mori skena e “Shiko Kush LUAN” në storyt e Arbanës, ndërsa më pas një tjetër postim na tregoi skenën e vërtetë të “Big Brother VIP” që sërish ishte skena gjigante e programit “Take Me Out”, që sërish ishte nën autorësinë e Luana Vjollcës.”

Teksa në fillim të shkrimit, nuk i konsideron “BIG” emrat që janë përfolur deri tani që do jenë pjesë e “Big Brother Vip”.