Sot është një nga ikonat e muzikës dhe stilit që frymëzon shumë femra të reja anë e kënd botës.

Rihanna para se të bëhej një këngëtare e famshme ka shfaqur talentin në një tjetër fushë, atë të dizajnit.

Në moshën 14-vjeçare këto aftësi i shfaqte në vendlindjen e saj në Barbados, nga ku janë zbuluar disa pamje të rralla.

Në këto fotografi ajo shihet duke modeluar dhe dizajnuar kostume.

Dizajneri barbadian Anwar Muhammad, 72 vjeç, tha se Rihanna e ndihmonte atë të krijonte stile për një festival rrugor, kur ajo ishte “thjesht Robyn”.

Edhe në moshë të re, Muhamedi tha se Rihanna ishte e destinuar të ishte numri një.

Muhamedi tha se Rihanna dhe miqtë e saj do të vizitonin studion e tij në Roberts Road, Haggatt Hall, St Michael për ta ndihmuar atë të krijojë kostume për Crop Over.

“Të them të drejtën nuk do të them që kam luajtur një rol të madh në karrierën e saj, por jam shumë krenar me të. Mendoj se dizajnet e saj janë një tjetër nivel dhe thjeshtë jam i lumtur që e kam parë potencialin e saj vite më parë”, u shpreh Anwar.

Ai ndau foto të 33-vjeçares duke punuar në dizajnë me shoqet e saj, nga një libër që ai e ruan prej vitesh.

Anwar u takua me Rihannën 19 vite më parë derisa po realizonin fotografitë për ditët sportive të shkollës së saj, The Combermere School.
Ylli i muzikës që së fundi u bë miliardere, shpesh herë i referohet vendit të saj të lindjes në këngë dhe videoklipe , duke treguar me krenari prejardhjen e saj nga Barbadosi.