Nga Blerina Bombaj, dietologe

• Edhe pse futet në grupin e yndyrnave, kolesteroli nuk është yndyre dhe për më tepër nuk ka kalori. Kolesteroli është pjesë esenciale e membranës së qelizave njësoj si llaçi që mban tullat të bashkuara.
• Është pjesë e strukturës qelizore të trurit.
• Është e nevojshme për tretjen e yndyrnave
• Ka rëndësi jetike për formimin e hormoneve të seksit (estrogjen, progjesteron dhe testosteron)
• Ndihmon trupin të prodhojë vitaminën D.
• Gjendet vetëm në qelizat e organizmave të gjallë, dhe jo në qelizat e bimëve! Kështu që reklamimi i vajrave bimore si “pa kolesterol” është pa sens!
• Meqenëse kolesteroli është jetik, trupi ynë e prodhon vetë. Ne prodhojmë rreth 3000mg kolesterol në ditë = 10-fishin e sasisë që marrim zakonshëm nga ushqimi.
• Nëse ne nuk ushqehemi me ushqime që përmbajnë kolesterol, atëherë trupi do ta prodhojë vetë.

A e dini se vendosja e kokrrizave të verdha në kapakët e syve mund të jetë një simptomë fizike e kolesterolit të lartë në gjak?

Kolesteroli, i miri dhe i keqi, raporti mes të dyve është më i rëndësishëm sesa shifrat veç e veç!

Shifrat e kolesterolit përdoren për të vlerësuar riskun kardiak.

MOS HARRONI: I rëndësishëm është raporti i kolesterolit LDL me kolesterolin HDL, dmth kolesteroli i keq pjesëtuar me kolesterolin e mirë të jetë më pak se 3,5!

Që zemra juaj të jetë e mbrojtur:

• Kolesterol i keq më pak se 130mg/dl
• Kolesterol i mirë më shumë se 50mg/dl
• Trigliceridet më pak se 150mg/dl