Stilistja shqiptare, Nensi Dojaka ka fituar një tjetër çmim e British Fashion Council për talentet e reja.
Nensi fitoi çmimin e “British Fashion Council” për talentet e raja, i cili iu dha asaj mbrëmjen e kësaj të hënë në ngjarjen vjetore të Fashion Award.Kjo nuk hera e parë që stilistja shqiptare vlerësohet për talentin e saj, në shtator ajo fitoi çmimin prestigjioz të Fondacionit “Louis Vuitton” për stilistët e rinj. Stilistja shqiptare është e njohur më së shumti për modelet e saj ekstravagante të veshjeve, me prerje të ndërlikuara.
Çmimi LVMH 2021 përfshinte një dhuratë prej 300,000 € dhe një vit mentorimi. Ajo po përdor fondet për të zgjeruar ekipin e saj dhe ofertën e produkteve.

Çmimi i stilistes përkoi me një datë shumë të rëndësishme, pikërisht në ditën e Çlirimit të Shqipërisë dhe ajo nuk harroi të shprehte gjithë krenarinë e saj me anë të një postimi në Instagramin e saj.

Ndërsa ndërgjegjësimi dhe biznesi i markës së Dojakës u rrit, ajo e gjeti veten që duhej të menaxhonte pritshmëritë e partnerëve të shitjes me shumicë dhe të shtypit, të cilët prisnin të shihnin risi të vazhdueshme në produktin dhe tregtimin e saj.

“Pas çmimit LVMH, ndjeva shumë më tepër presion sepse njerëzit prisnin të shihnin se çfarë do të ndodhte më pas, dhe ata ende janë duke pritur”, thotë ajo. “Industria pret shumë, shumë shpejt, por gjërat kërkojnë kohë.”

Një pikë kthese për Nensi Dojakën erdhi kur Bella Hadid veshi një nga stilimet e saj në MTV Video Music Awards 2020, përpara prezantimit të saj Pranverë/Verë 2021. Hadid postoi gjithashtu një foto të veshjes në Instagram, e cila grumbulloi mbi 20,930 pëlqime. “Ishte ekspozim i madh dhe shumë blerës erdhën të më shihnin për herë të parë”, thotë Dojaka.