Ish-kryeministri Sali Berisha nuk i ka fshehur emocionet gjatë takimit me demokratët përmes ‘Foltores’ që po mbahet sot në Tropojë.

Ndërsa këtë udhëtim e ka cilësuar gjysmë qiellor dhe gjysmë tokësor, Berisha u shfaq në një moment i përlotur nga pritja entuziaste para demokratëve.

Berisha tha se vjen shpesh me mendje në Tropojë dhe se ndihet i bekuar për vendlindjen e tij.

“Floriana Garo më pyeti si ishte udhëtimi në Tropojë, gjysmë qiellor dhe gjysmë tokësor iu përgjigja unë asaj. Unë shpesh vij me mendjen time më shpesh se kudo në botë, vij në vendlindjen time, por edhe më shpesh se çdo gjë tjetër i përsërsis vetes time çfarë fati të madh që pata dhe sa i bekuar që isha, që linda në Malësinë e Gjakovës. 

Pas dekadash janë saj, pas degadash në Tiranë, e qindra udhëtimesh në botë, në vendlindjen time unë kreva universitetin më të rëndësishëm të jetës time, unë mora diplomën e të gjitha diplomave të jetës sime. Në fillimet e memories time, në familjen time si dhe qindra e mijëra familjet e Malësisë së Gjakovës, Nikajt, Mërturit, Dukagjinit, të gjithë këtyre trevave ekzistonin odat e burrave. Nuk kishte radio, nuk kishte televizor, por e gjithë jeta jonë kalonte nga shkolla te oda dhe anasjelltas, mirëpo cila ishte e vërteta, e vërteta ishte se në odë unë e bashkëmoshatarët e mi mëkoheshim me një dashuri të pakufijshme për vendin, për Kosovë, Kosova për ata burra ishte toka e shenjtë.

Kurse shkolla dhe librat e kishin ndaluar Kosovën, nuk flitej një fjalë për një qytetet të saj, artist, shkrimtar të saj. Kosova nuk ekzistonte për Enver Hoxhën sepse e kishte shitur. Prandaj i vuri emrin Malësisë së Gjakovës, rrethi i Tropoës, Tropoja ishte qendra, por kjo trevë është Malësia e Gjakovës. Në odë mora eliksirin e jetës time, dashuri e pakufishme për vendin, dashuri e pakufishme për Kosovën”, tha Berisha.