Operacioni çezarian është një proçedurë sa e panjohur aq edhe e përdorshme, duke qënë se sipas statistikave të publikuara në “What to expect”, një në tre gra sjell në jetë një fëmijë nëpërmjet operacionit. Por çfarë ndodh gjatë kësaj proçedure?

Cilat janë ato gjëra që nënës nuk ja thonë?

• Do të jeni totalisht e zhveshur ndërsa jeni shtrirë në krevatin e lindjes.

• Mund të jeni e lidhur. Në disa spitale gruaja qëndron e lidhur nga krahët në mënyrë që të pengohet lëvizja e nënës për të kapur beben në momentin e daljes si pasojë e eksitimit.

• Stafi mjekësor do të flasë me ju në lidhje me gjëra të përgjithshme. Ndonjëherë do t’ju vij ndër mend t’i bërtisni duke ju thënë “jam edhe unë këtu”, por mos harroni se ata këtë e bëjnë për t’ju qetësuar edhe juve.

• Pjesa më e madhe e trupit do të jetë e mpirë. Tek disa nëna kjo mpirje do të krijoj ndjesinë e të mos qënit e “pranishme” në atë që është duke ndodhur.

• Do të kërkoni shpesh të dini se çfarë është duke ndodhur “aty poshtë”. Në çdo moment do t’ju duket sikur bebja juaj është duke dalë.

• Pavarësisht të gjithave do ta ndieni beben tuaj të dalë. Në atë moment do të ndodhë një tërheqje e madhe në trupin tuaj.

• Operacioni nuk do të zgjasë aq shumë sa mendoni ju. E gjithë proçedura nuk do të zgjasë më shumë se 40 minuta.

• Ndoshta nuk do të ushqeni dot menjëherë me gji. Mos harroni se kontakti lëkurë me lëkurë është shumë i rëndësishëm dhe duhet të kërkoni t’jua vendosin fëmijën tuaj mbi gjoks.

• Gjithcka do të përfshihet nga një qetësi. Në momentin që do të merrni fëmijën tuaj në krahë do të përjetoni emocione të tilla që do t’ju bëjnë të harroni gjithçka përreth, do të futeni në një realitet që do të jeni vetëm ju të dy.