Dr. HASNA BELLO
Ne dhjetor te 1933 Noli u semur rende dhe kerkoi ndihmen e Mbretit Zog. Kjo shkaktoi debate nga kundershtaret e Nolit, te cilet e akuzuan se u shit. Por ky i fundit iu pergjigj se un nuk mora ndihme as nga mbreti i Greqise dhe as i Serbise, por nga mbreti i Shqiperise. Megjithate nevojat ekonomike e detyruan qe te interesohej per lidhjen e nje pensioni.

Ne fakt kontributi i Nolit si deputet, minister dhe kryeminister i shtetit shqiptar, nuk i kalonte kater vite. Prandaj ky ishte nje problem me vete. Sidoqofte me 16 shkurt 1934 ai i shkruante mitropolitit te Korces, Vasil Markos, qe te interesohej prane organeve qeveritare per t’i lidhur nje pension.

Ne mars te po atij viti mitropoliti u takua me Mbretin. Kole Kuqali, i cili ne kete periudhe ishte nenpunes i legates amerikane ne Tirane dhe person intim qe informonte Zogun, i shkruante mikut te tij Fan Noli: “Mbreti ju favorizon dhe ju do shume.

Eshte gati t’ju jape cdo ndihme, por nuk eshte koha akoma per te bere nje propozim per pension ne Parlament. E shkuara do te harrohet dhe do te krijohet midis jush dhe Mbretit nje gjendje sikur te mos kete ekzistuar ndonjehere grindje, po te jete se do te pajtoheni. Mitropoliti me thote se Mbreti eshte gati dhe deshiron tju ndihmoje me cdo menyre qe te ktheheni ne Shqiperi, porse kjo duhet te vije me nje kerkese nga ana juaj dhe jo me nje oferte nga qeveria”.

Kjo tregon se Zogu i “eleminonte” kundershtaret pa barut dhe pa kobure.
Me 15 mars 1934 mitropoliti i Korces, Vasil Marko, i shkruante Nolit se kishte shkuar tek Mbreti dhe perpara se t’ia hapte muhabetin, me bujarine dhe shpirtmadhesine e tij te zakonshme i kishte deklaruar: “Deshiroj te ndihmoj Fan Nolin, po per shkak te zbritjes se buxhetit dhe zbritjeve te shumta, e pergjithesisht nuk eshte moment i favorshem sivjet per rregullimin e pensionit te tij.

Prandaj do t’i jap shperblimin tim 500 franga ari ne muaj, qe keshtu duke u terhequr nga politika, t’i sherbeje vendit duke perkthyer ca libra, te cilat t’i dergoje ketu te shtypen dhe perfitimi t’i dergohet atij dhe vitin qe vjen duke qene situata financiare me e mire i rregullojme edhe pensionin”.

Lajmi se Zogu do t’i jepte Nolit nga fondi i tij personal 500 franga ari shpertheu si rrufe ne qiell te hapur dhe e tronditi emigracionin politik antizogist, shoke dhe bashkepunetor te Nolit. Si perfundim,

Noli per shume arsye nuk mori asnjehere pension nga shteti shqiptar, pavaresisht nese i takonte ose jo.