Ish-kryeministri Sali Berisha ka deklaruar nga Kuvendi se KESH ka zbrazur kaskadën në kundërshtim me ligjet e vendit.

Ai akuzoi qeverinë për abuzim me menaxhimin e energjisë elektrike, ndërsa foli për krizën me të cilën po përballemi,  Berisha tha në fjalën e tij se vitit 2021 shënoi prodhim të lartë të energjisë elektrike.

Berisha akuzoi se qeveria shqiptare ka shitur energji në stinën e verës me një kosto më të ulët se tregu. Ai u shpreh se kjo duhet të jetë pranvera e protestave të mëdha

“Vijmë pak te energjia. Lajmëtari i parë i rritjes së çmimit të energjisë është vetë kreu i qeverisë. Nuk ndodh në botë të bëhesh aksioni i çmimeve të naftës pa pasur vetë aksione. Jam dakord që tregu ka pësuar goditje nga lufta në Ukrainë. Por në Shqipëri si në asnjë vend tjetër paguhen 4 taksa dhe tre tarifa.

KESH nuk publikon çmimet me të cilat ka eksportuar energjitë. KESH nuk publikon çmimet me të cilat ka eksportuar energjinë. Ka eksportuar në verë, ka zbrazur kaskadën në mënyrë kriminale, në kundërshtim me ligjet e vendit. Sa e ka shit? 40 euro. Sa shitej në bursë. 130 euro. Po ky e shiste prapë që e blinte 40, e shiste 130 dhe e ndante me kryministrin apo ministrat. Kjo pranverë duhet të jetë pranvera e protestave të mëdha”, deklaroi Berisha.