Pritet që kryeministri Edi Rama të bëjë ndryshime në qeveri dhe t’i zyrtarizojë ato ditën e nesërme. Kështu raporton “A2 CNN”, sipas burimeve nga mazhoranca.

Në “shënjestër” janë ministret Delina Ibrahimaj dhe Frida Krifca. Por mbetet për t’u parë nëse do të preket vetëm ministria e Financave dhe e Bujqësisë.

Ky vendim vjen në një kohë kur vendi është përfshirë nga kriza dhe çmimet kanë arritur në nivele të paprecedenta. Kundër rritjes së çmimeve janë zhvilluar disa protesta dhe janë paralajmëruar të tjera në vijim.

Shtrenjtimi i karburanteve ka sjellë rritje zinxhir të çmimeve, duke nisur nga plehrat kimikë. Një tjetër problematikë e ditëve të fundit është gripi i shpendëve, i cili ka shqetësuar konsumatorët.

Qeveria ia ka adresuar krizën dhe rritjen e çmimeve luftës në Ukrainë, por shumë zëra dhe qytetarë shprehen se po abuzohet.