Ish-kryeministri Sali Berisha nga Shkodra ka komentuar arrestimin e ish-deputetit socialist Alqi Bllako, ku ka akuzuar zyrtarë qeveritarë se kanë marrëveshje mes tyre për të “mos çelur gojën” lidhur me aferën e inceneratorëve.

“Kanë arrestuar Alqi Bllakon kur firmën e ka vendosur Rama, Agaci, ministrat e tani duhet të thonë që është individuale.

Jo, kanë dalë në dritën e diellit organizatë kriminale plotësojnë të gjithë kriteret ligjore për të qenë të tillë.

Kjo aferë i nxori sic janë. Kjo është një nga aferat e tyre, atë që po bëjnë në energji ata është jashtë çdo imagjinate, janë lëshuar mbi pasuritë publike si të ishte pronë e tyre dhe nuk lëshojnë njëri-tjetrin, bëjnë marrëveshje mafioze për të mos çelur gojën.

Një revolucion duhet t’i japë përgjigje kësaj klike e kam besim se do ia japë përgjigjen kësaj klike”, tha Berisha.